Ranbir Kapoor Ramayana Clash With Rajinikanth Jailer 2: दिवाळी 2026 मध्ये बॉलिवूड (Bollywood News) आणि साऊथ इंडस्ट्री (South Film Industry) यांच्यात बॉक्स ऑफिसवर (Box Office Collection) सर्वात मोठी टक्कर पाहायला मिळणार का? या प्रश्नामुळे चाहत्यांची उत्सुकता शिगेला पोहोचली आहे. एका बाजूला रजनीकांत (Rajinikanth) यांचा बहुप्रतिक्षित सिनेमा ‘जेलर 2’ (Jailer 2) आहे, ज्याची प्रेक्षक आतुरतेनं वाट पाहत आहेत, तर दुसऱ्या बाजूला रणबीर कपूरचा (Ranbir Kapoor) भव्य बजेट असलेला ‘रामायणम’ (Ramayanam) हा सिनेमा आहे, ज्याला भारतीय सिनेसृष्टीतील सर्वात मोठ्या प्रोजेक्ट्सपैकी एक मानलं जातं. या संभाव्य लढतीबाबत सध्या जोरदार चर्चा सुरू झाली आहे. जर सर्व काही ठरल्याप्रमाणे झालं, तर दिवाळी 2026 मध्ये थिएटर्समध्ये बॉक्स ऑफिसवर एक मोठी लढाई पाहायला मिळू शकते.
रजनीकांत यांचा ‘जेलर 2’ कधी रिलीज होणार? (Rajinikanth Jailer 2 Release Date)
साऊथ सुपरस्टार रजनीकांत (Rajinikanth Jailer 2) यांचा ‘जेलर 2’ हा या वर्षातील सर्वात लोकप्रिय सिनेमांपैकी एक मानला जातोय. या सिनेमाचा पहिला भाग बॉक्स ऑफिसवर प्रचंड यशस्वी ठरला आणि त्यानं चाहत्यांच्या मनात एक खास स्थान निर्माण केलं होतं, म्हणूनच याच्या सिक्वेलबद्दल इतकी मोठी चर्चा आणि उत्सुकता आहे. मीडिया रिपोर्टनुसार, या सिनेमाचं निर्मितीकार्य बऱ्याच काळापूर्वी पूर्ण झालंय, तरीही निर्मात्यांनी प्रदर्शनाच्या तारखेबाबत अद्याप कोणताही अंतिम निर्णय घेतलेला नाही.
निर्मात्यांचा दिवाळीत सिनेमा प्रदर्शित करण्यावर भर
मीडिया रिपोर्टनुसार, हा सिनेमा स्वातंत्र्यदिनाच्या सुमारास किंवा सप्टेंबर 2026 मध्ये प्रदर्शित होण्याची शक्यता वर्तवण्यात आली होती. मात्र, सध्याच्या माहितीनुसार, निर्माते तो 2026 च्या दिवाळीत रिलीज करण्याचं नियोजन करत आहेत. सणासुदीच्या काळात प्रदर्शित होणाऱ्या मोठ्या सिनेमांना अनेकदा मोठा फायदा होतो, कदाचित याच कारणामुळे ‘जेलर 2’साठी या कालावधीचा विचार केला जात असावा.
रणबीरच्या ‘रामायण’शी मोठा क्लॅश (Ranbir Kapoor 4000 Crore Movie Ramayana)
विशेष म्हणजे, रणबीर कपूरचा ‘रामायण’ हा चित्रपटही 2026 च्या दिवाळीत प्रदर्शित होणार आहे. नितेश तिवारी दिग्दर्शित या सिनेमाची सध्या जोरदार चर्चा सुरू आहे. या सिनेमाचं बजेट सुमारे 4,000 कोटी रुपये असल्याचं सांगितलं जातंय. त्यामुळे, जर ‘जेलर 2’ आणि ‘रामायण’ एकाच वेळी प्रदर्शित झाले, तर चाहत्यांना त्या वर्षातील बॉक्स ऑफिसवरील सर्वात मोठी टक्कर पाहायला मिळू शकते, अशा चर्चा रंगल्या आहेत.
तिहेरी लढत होण्याची शक्यता
इतकंच नाही तर, मिळालेल्या माहितीनुसार, सिलंबरासन टीआर (Silambarasan TR) यांचा ‘अरसन’ (Arasan) हा सिनेमाही दिवाळीत प्रदर्शित करण्याच्या हालचाली सुरू आहेत. याचा अर्थ असा की, एकाच वेळी तीन मोठे सिनेमे प्रेक्षकांच्या पसंतीसाठी स्पर्धा करू शकतात, ज्यामुळे बॉक्स ऑफिसवरील ही लढत अधिकच रंजक ठरेल.
स्टारकास्टमुळे एक्साइटमेंट वाढली (Jailer 2 Star Cast)
‘जेलर 2’चं दिग्दर्शन नेल्सन दिलीपकुमार करत आहेत. यात रजनीकांत पुन्हा एकदा ‘मुथुवेल पांडियन’च्या दमदार भूमिकेत दिसणार आहेत. त्यांच्यासोबत मिथुन चक्रवर्ती, विद्या बालन, एस. जे. सूर्या आणि सूरज वेंजारामूडू हे कलाकार महत्त्वपूर्ण भूमिकांमध्ये झळकणार आहेत. आता चाहते या चित्रपटाच्या प्रदर्शनाची तारीख निश्चित होण्याची आतुरतेने वाट पाहत आहेत.
महत्त्वाच्या इतर बातम्या :
ABP Majha च्या बातम्या LIVE
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
