Jalgaon: विवाहित महिलेवर सामूहिक बलात्कार, पोलिसांकडून तक्रार घेण्यासही टाळाटाळ केल्याचा आरोप, जळगावमधील संतापजनक घटना | महाराष्ट्र बातम्या

पोलिसांनी दिलेल्या माहितीनुसार, जामनेर तालुक्यातील फत्तेपूर पोलीस स्टेशनच्या हद्दीत ही घटना घडली. पीडित ३० विवाहितेनं फत्तेपूर पोलीस स्टेशनमध्ये ६ जणांविरोधात तक्रार दाखल केली.  या पीडितेनं दिलेल्या तक्रारीमध्ये जेवणातून गुंगीचे औषध देऊन तसंच बंदुकीची भीती दाखवून अत्याचार केल्याचा आरोप देखील पीडित महिलेने तक्रारीत नमूद आहे.

एवढंच नाहीतर आरोपींनी  अत्याचाराचा व्हिडिओही तयार करून व्हायरल करण्याची धमकी देत वर्षभरापासून वेळोवेळी अत्याचार केल्याचा आरोप देखील पीडितेने तक्रारीत केला आहे.

अखेरीस, पीडितेनं हिंमत दाखवत फत्तेपूर पोलीस स्टेशन गाठलं आणि तक्रार दाखल केली. या या प्रकरणी फत्तेपूर पोलीस ठाण्यात सहा जणांविरुद्ध सामूहिक बलात्कार, अपहरण, दुखापत, धमकी तसंच शस्त्रास्त्र कायद्यांतर्गत विविध कलमानुसार गुन्हा दाखल करण्यात आला आहे. पीडितेच्या तक्रारीनंतर पोलिसांनी तपास सुरू केला आहे. या प्रकरणी तपास सुरू असून लवकरच कारवाई केली जाईल, अशी माहिती पलीस उपअधीक्षक बापू रोहम यांनी दिली.  संतापजनक आणि धक्कादायक म्हणजे, मागील 20 दिवसातील जामनेर तालुक्यातील महिलेवर अत्याचाराची दुसरी घटना असून जिल्ह्यात मोठी खळबळ उडाली आहे.