IND vs SL Test: भारत आणि श्रीलंका यांच्यातील दोन सामन्यांच्या कसोटी मालिकेतील दुसरा सामना सुरू आहे. या सामन्याच्या पहिल्याच दिवशी भारतीय संघाला मोठा फटका बसला. या सामन्यादरम्यान भारतीय संघाला मोठा धक्का बसला, जेव्हा स्टार यष्टीरक्षक-फलंदाज ऋषभ पंत मनगटावर चेंडू लागल्याने दुखापतग्रस्त होऊन निवृत्त झाला. पहिल्या सामन्यात के एल राहुलला दुखापत झाली होती, श्रीलंकेचा वेगवान गोलंदाज लाहिरू कुमारच्या 58 व्या षटकातील पहिल्याच चेंडूवर पंतने बाउन्सरवर पुल शॉट मारण्याचा प्रयत्न केला, पण चेंडू त्याच्या बॅटला लागून थेट डाव्या ग्लोव्हला लागला. मनगटाच्या हाडावर झालेला आघात इतका जोरदार होता की पंतला लगेचच तीव्र वेदना आणि अस्वस्थता जाणवली.
सामना सुरु असताना काय घडलं?
चेंडू लागताच, भारतीय संघाचा फिजिओ त्याच्या मनगटावरील सूज कमी करण्यासाठी बर्फाची पिशवी घेऊन तात्काळ मैदानावर पोहोचला. पंतच्या हाताला प्रचंड सूज आली होती आणि तो खूप अस्वस्थ दिसत होता. खेळ बराच वेळ थांबवण्यात आला आणि प्रथमोपचारादरम्यान, फिजिओने त्याच्या मनगटावर टेप लावला, जो नंतर काढण्यात आला. पंचांशी चर्चा केल्यानंतर, पंतने तात्पुरते क्रीज सोडण्याचा निर्णय घेतला. अतरंगी स्टाईलने फलंदाजी करायला गेला अन् दुखापत झाली.
Rishabh Pant’s expression says it all. He looks to be in a lot of pain right now. Hope he’s okay and it’s nothing serious#INDvSL #INDvsSL #SLvsIND pic.twitter.com/ekNY9kMNIQ
— Tapas. (@lmTapas15) August 23, 2026
ऋषभ पंत दुखापतग्रस्त होऊन रिटायर्ड होऊन ड्रेसिंग रूममध्ये परतल्यानंतर, अनुभवी अष्टपैलू खेळाडू रवींद्र जडेजा नवीन फलंदाज म्हणून मैदानात उतरला. पंतच्या मनगटाचा एक्स-रे किंवा स्कॅन करण्यासाठी त्याला तात्काळ वैद्यकीय देखरेखीखाली ठेवण्यात आले आहे. संघ व्यवस्थापन आणि चाहत्यांना आशा आहे की ही केवळ एक साधी सूज असेल आणि फ्रॅक्चर नसावे, जेणेकरून तो सामन्यात पुन्हा फलंदाजीसाठी उपलब्ध होऊ शकेल.
यापूर्वी, श्रीलंकेविरुद्धच्या पहिल्या कसोटी सामन्यात ऋषभ पंतची कामगिरी प्रभावी होती. त्याने भारतासाठी पहिल्या डावात 39 धावा आणि दुसऱ्या डावात 66 धावा केल्या. त्याच्या दुसऱ्या डावातील धावांमुळे टीम इंडियाला श्रीलंकेसमोर 372 धावांचे लक्ष्य ठेवण्यास मदत झाली. शिवाय, त्याची यष्टीरक्षणाची भूमिकाही महत्त्वपूर्ण होती. पंत लवकरात लवकर बरा होऊन पुन्हा खेळताना दिसावा, अशी चाहत्यांना आशा असेल.
