17 जुलै रोजी सोन्याची किंमत किती ?
सोनं-चांदी हा सर्वसामान्यांच्या जिव्हाळ्याचा विषय आहे. समारभं, सण, गुतंवणूक म्हणून सोन्याची ,चांदीच्या दागिन्यांची खरेदी केली जाते. मात्र सध्या वाढलेल्या भावांमुळे खरेदीचा कल कमी झाला होता. मात्र शुक्रवारचा दिवस, 16 जुलैची सकाळी ही ग्राहकासांठी दिलासादायक ठरताना दिसत आहे. कारण सोन्याचे-चांदीचे नवे दर समोर आले असून गुड न्यूज आहे. देशात सोन्याच्या दरात पुन्हा एकदा घसरण झाली आहे. बहुतांश शहरांमध्ये 22 आणि 24 कॅरेट सोन्याचे भाव कमी झाले आहेत. 17 जुलैच्या सकाळी दिल्लीमध्ये 24 कॅरेट सोन्याचा दर घसरून 1,43,430 रुपये प्रति 10 ग्रॅम झाला. मुंबई आणि कोलकाता येथे हा दर 1,43,280 रुपये तर चेन्नईमध्ये सोन्याची किंमत 1,43,450 रुपये प्रति 10 ग्रॅम इतका आहे. आंतरराष्ट्रीय बाजारात स्पॉट गोल्डचा भाव 4,030.84 डॉलर प्रति औंसवर आहे. व्यापाऱ्यांच्या मते, देशांतर्गत सोन्याची मागणी सध्या स्थिर आहे, मात्र जागतिक बाजारात सोन्याच्या किमतीत घसरण होत असल्याचा परिणाम देशांतर्गत दरांवरही दिसत आहे.
देशातील काही महत्वाच्या शहरातील सोन्याच्या किंमती
दिल्ली
24 कॅरेट: 1,43,430 रुपये प्रति 10 ग्रॅम
22 कॅरेट: 1,31,490 रुपये प्रति 10 ग्रॅम
मुंबई आणि कोलकाता
24 कॅरेट: 1,43,280 रुपये प्रति 10 ग्रॅम
22 कॅरेट: 1,31,340 रुपये प्रति 10 ग्रॅम
चेन्नई
24 कॅरेट: 1,43,450 रुपये प्रति 10 ग्रॅम
22 कॅरेट: 1,31,490 रुपये प्रति 10 ग्रॅम
पुणे आणि बंगळुरू
24 कॅरेट: 1,43,280 रुपये प्रति 10 ग्रॅम
22 कॅरेट: 1,31,340 रुपयेप्रति 10 ग्रॅम
दरम्यान, सरकारी आकडेवारीनुसार एप्रिल ते जून 2026 या तिमाहीत भारताची सोन्याची आयात 11.01 अब्ज डॉलरवर पोहोचली आहे. गेल्या वर्षी याच कालावधीत ती 7.49 अब्ज डॉलर होती.
चांदीचे दर किती ?
सोन्यासोबतच चांदीच्या दरातही घसरण कायम आहे. 17 जुलैच्या सकाळी चांदीचा दर 2,34,900 रुपये प्रति किलो इतका आहे. सराफा बाजार आणि उद्योगांकडून खरेदी कमी झाल्याने चांदीच्या किमतीवर दबाव आहे. याशिवाय, गुंतवणूकदारांकडून होत असलेल्या नफावसुलीमुळे (प्रॉफिट बुकिंग)ही दर खाली आले आहेत. आंतरराष्ट्रीय बाजारात स्पॉट सिल्व्हरचा भाव 56.79 डॉलर प्रति औंस आहे. देशातील सोने-चांदीचे दर हे स्थानिक मागणी-पुरवठ्यासोबतच आंतरराष्ट्रीय बाजारातील घडामोडींवरही अवलंबून असतात.
