FIFA World Cup 2026 स्पर्धेत विषारी सापांचा विळखा, जर्मनीचा संघ थोडक्यात बचावला; स्वित्झर्लंडचा संघही चिंतेतImage Credit source: Getty Images
Snake in Germany Training Camp: फिफा वर्ल्डकप 2026 स्पर्धेला अपेक्षेप्रमाणे सुरूवात झाली आहे. सुरूवातीच्या काही सामन्यात रोमांचक लढती पाहण्याची संधी क्रीडाप्रेमींना मिळाली. फिफा वर्ल्डकप स्पर्धेच्या 23व्या पर्वात पुढच्या सामन्यातही असंच काहीसं पाहायला मिळणार यात काही शंका नाही. असं असताना या स्पर्धेदरम्यान विषारी सापांची भीती मनात घर करून बसली आहे. फिफा वर्ल्डकप 2026 स्पर्धेदरम्यात जर्मनीच्या संघाचा थेट सामना सापाशी झाली. सराव शिबिरात सापाने एन्ट्री मारल्याने धावाधाव झाली. सुदैवाने जर्मनीच्या खेळाडूंना काही झालं नाही. जर सापाकडे लक्ष गेलं नसतं तर काही घडू शकलं असतं. सापाची दहशत असताना जर्मनीने सराव केला, पण चिंताही व्यक्त केली. अशीच काहीशी चिंता नॉर्वे आणि स्वित्झर्लंड संघाने व्यक्त केली आहे.
जर्मनी संघाचा सापाशी आमनसामना
फिफा वर्ल्डकप स्पर्धेदरम्यान जर्मनी संघाचा कर्णधार जोशुआ किमिट याने बीसीसी स्पोर्ट्सलला दिलेल्या मुलाखतीत सराव शिबिरात साप आल्याचं सांगितलं. आम्ही विरोधी संघाच्या कमकुवत आणि ताकदीच्या गोष्टींवर चर्चा करत असतो. पण त्याच बरोबर आम्हाला गवतात लपलेल्या सापांवरही लक्ष ठेवावं लागतंय. आमच्या ट्रेनिंग कॅम्पमध्ये साप पाहिले आहेत. साप इतके विषारी आहेत की दंशामुळे तर सरळ रुग्णालयात जाण्याची वेळ येऊ शकते. जर्मन कर्णधाराच्या मते, सापाचे विष प्राणघातक नसले तरी ते निश्चितच धोकादायक आहे. जर्मन कर्णधार आणि संघ सापाच्या प्रकरणातून थोडक्यात बचावले.
फिफा वर्ल्डकप 2026 स्पर्धेत सापांबाबत पहिल्यांदाच काही चर्चा होते असं नाही. नॉर्वे आणि स्वित्झर्लंड संघानेही सापांबाबत चिंता व्यक्त केली आहे. स्वित्झर्लंड संघाला सराव शिबीर सोडून इतरत्र जाऊ नये याबाबत आधीच सूचना दिल्या गेल्या आहेत. कारण त्याच्या सराव शिबिराजवळ सापांचा वावर आहे. सापांच्या स्थितीमुळे स्वीस खेळाडूंना प्रशिक्षण शिबिराबाहेर फुटबॉल मारल्यास न आणण्याच्या सूचना दिल्या आहे. सापांचा धोका टाळण्यासाठी दुसरा चेंडू वापरण्यास सांगितलं आहे. त्यामुळे विरोधी संघांविरुद्ध रणनिती आखायची की जीव मुठीत धरून सराव करायचा असा प्रश्न आता पडला आहे.
