Donald Trump On Israel PM Benjamin Netanyahu : मध्य पूर्वेतील सध्याचा तणाव आणि इराणसोबत सुरू असलेली शांतता चर्चा दिवसागणिक अधिक फिस्कटतांना दिसत आहे. अशातच सोमवारी (१ जून) डोनाल्ड ट्रम्प यांनी लेबनॉनवरील इस्रायलच्या वाढत्या हल्ल्यांवरून इस्रायलचे (Israel PM) पंतप्रधान बेंजामिन नेतान्याहू यांना फोनवर फटकारलेय. त्यांनी नेतान्याहू यांना ‘वेडे’ असेही म्हटलेय. पुढे बोलताना ट्रम्प म्हणाले कि, “मी नसतो तर, तुम्ही तुरुंगात असता. मी तुमचा जीव वाचवत आहे. आता प्रत्येकजण तुमचा द्वेष करतोय. त्यामुळे, प्रत्येकजण इस्रायलचा द्वेष करतो.” त्यांनी बेरूतवर आणखी हल्ले करण्याच्या इस्रायलच्या योजनांनाही थांबवले. दरम्यान, लेबनॉनविरुद्ध इस्रायलच्या वाढत्या कारवायांवरून इराणने अमेरिकेसोबतची शांतता चर्चा सोडून देण्याची धमकी दिल्यानंतर हे घडलय.
Donald Trump On Benjamin Netanyahu : ‘मी नसतो तर, तुम्ही तुरुंगात असता’
अॅक्सिऑसने, दोन अमेरिकन अधिकारी आणि ट्रम्प-नेतान्याहू संभाषणाशी परिचित असलेल्या तिसऱ्या सूत्राचा हवाला देत, वृत्त दिले की ट्रम्प यांनी नेतान्याहू यांना ‘वेडे’ म्हटले आणि त्यांच्यावर कृतघ्नतेचा आरोप केलाय. या संभाषणाशी परिचित असलेल्या आणखी एका सूत्राने सांगितले की, ट्रम्प ‘खूप संतापले’ होते आणि एका क्षणी नेतान्याहूंवर ओरडून म्हणाले, “तुम्ही काय करत आहात? मी नसतो तर, तुम्ही तुरुंगात असता. मी तुमचा जीव वाचवत आहे. आता प्रत्येकजण तुमचा द्वेष करतो. त्यामुळे, प्रत्येकजण इस्रायलचा द्वेष करतो.” त्यांनी बेरूतवर आणखी हल्ले करण्याच्या इस्रायलच्या योजनांनाही थांबवले.
Donald Trump : इस्रायल आणि हिजबुल्लाह एकमेकांवर हल्ला करणार नाहीत
यापूर्वी, अमेरिकेचे अध्यक्ष डोनाल्ड ट्रम्प यांनी ‘ट्रुथआउट’ या सोशल मीडिया प्लॅटफॉर्मवर लिहिले होते की, “मी इस्रायलचे पंतप्रधान नेतान्याहू यांच्याशी बोललो, आणि कोणतेही सैन्य बेरूतला जाणार नाही, आणि जे सैन्य वाटेत होते त्यांना आधीच परत पाठवण्यात आले आहे. त्याचप्रमाणे, मी उच्च-पदस्थ प्रतिनिधींमार्फत हिजबुल्लाहशी खूप चांगली चर्चा केली, आणि त्यांनी सहमती दर्शवली की सर्व गोळीबार थांबवला जाईल, इस्रायल त्यांच्यावर हल्ला करणार नाही, आणि ते इस्रायलवर हल्ला करणार नाहीत.”
Donald Trump On Israel : करार रोखण्याची इराणची धमकी
इराणची निम-सरकारी वृत्तसंस्था, तास्रिमने सोमवारी (1 जून) सांगितले की, लेबनॉनवरील हल्ल्यांमुळे तेहरानच्या वाटाघाटी करणाऱ्या संघाने मध्यस्थामार्फत अमेरिकेशी संदेशवहन थांबवले आहे. इस्रायलने लेबनॉनवर सुरू केलेल्या हल्ल्यांमुळे इराणने अमेरिकेसोबत सुरू असलेल्या शांतता करारावरील मध्यस्थांसोबतची सर्व चर्चा स्थगित केली आहे. “लेबनॉनमधील इस्रायली हल्ले आणि लेबनॉनमधील शस्त्रसंधीच्या पूर्वशर्तींसह सर्व आघाड्यांवर शस्त्रसंधीचे उल्लंघन झाल्यामुळे, इराणी वाटाघाटी पथक मध्यस्थांमार्फत होणारी चर्चा आणि संदेशांची देवाणघेवाण स्थगित करत आहे,” असे इराणच्या तसनीम वृत्तसंस्थेने वृत्त दिले आहे.
इतर महत्वाच्या बातम्या
आणखी वाचा
