Special agent francis: मुंबईतील फ्रान्सिस नावाच्या व्यक्तीसह १६ जणांना बंगळुरूमध्ये अटक करण्यात आली आहे. ही टोळी अमेरिकन आणि कॅनेडियन नागरिकांना डिजिटल अरेस्टच्या नावाखाली फसवून लाखो रुपये लुबाडत होती.
या टोळीने अमेरिकन आणि कॅनेडियन नागरिकांचे डिजिटल अरेस्टच्या नावाखाली लाखो रुपये लुबाडले. आरोपी स्वतःला अमेरिकन ड्रग एन्फोर्समेंट अॅडमिनिस्ट्रेशन (DEA), यूएस पोस्टल सर्व्हिस इन्व्हेस्टिगेशन सेक्शन आणि फेडरल ब्युरो ऑफ इन्व्हेस्टिगेशन (FBI)चे अधिकारी म्हणून सादर करत. फ्रान्सिससह सर्व आरोपींना तीन आठवड्यांचं प्रशिक्षण देऊन अमेरिकन उच्चारात बोलण्याचे, चौकशीसारखा सूर आणण्याचे आणि खोट्या कायदेशीर धमक्या देण्याचे शिक्षण देण्यात आले होते.
धक्कादायक! शिंदे गटाचे आमदार महेंद्र थोरवे यांच्यावर महिलेचे गंभीर आरोप; न्याय मिळत नसल्याने महिला आयोगाकडे धावया रॅकेटचे कामकाज बंगळुरूतील एका बंगल्यातून सुरू होत होते. आरोपींना या ठिकाणी दरमहा २२ हजार रुपयांचा पगार, राहण्यासाठी आणि जेवणासाठी मोफत सोय, तसेच बाहेर जाण्यावर बंदी ठेवण्यात आली होती. प्रत्येक कर्मचाऱ्यावर सीसीटीव्हीद्वारे लक्ष ठेवले जात होते. पोलिसांनी सांगितले की, हे ठिकाण एका वृद्ध जोडप्याच्या नावावर आहे, परंतु त्या जोडप्यालाही या कामाबाबत काहीच माहिती नव्हती.
फ्रान्सिस आणि त्याचे साथीदार अमेरिकन नागरिकांना फोन करून सांगायचे की, त्यांच्या नावावर अमली पदार्थांच्या तस्करीचे प्रकरण दाखल आहे. त्यानंतर “तुमचा डिजिटल अरेस्ट झाला आहे” असे सांगून त्यांच्या भीतीचा फायदा घेत मोठ्या प्रमाणावर पैसे ट्रान्सफर करून घेतले जात. काही केसेसमध्ये तर पीडितांकडून हजारो डॉलर वसूल करण्यात आल्याचे समोर आले आहे.
पोलिसांच्या तपासानुसार, या आरोपींपैकी अनेकजण १०वी किंवा १२वी नापास आहेत, पण इंग्रजी बोलण्याच्या क्षमतेमुळे त्यांना नोकरी देण्यात आली. या टोळीचे कनेक्शन थायलंड, फिलिपीन्स आणि अमेरिकेतील फसवणूक नेटवर्कशी असल्याची शक्यता तपासात समोर आली आहे.
वाचाळवीरांना आवरा, संग्राम जगतापांच्या विधानावर संताप, सुप्रिया सुळे थेट बोलल्या
पोलिसांनी या प्रकरणाला “डिजिटल ह्युमन ट्रॅफिकिंग आणि फसवणूक सिंडिकेट” असे संबोधले असून, भारतातूनच विदेशातील नागरिकांना फसवणाऱ्या या प्रकाराने सायबर गुन्हेगारीचे नवे रूप समोर आणले आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
