Last Updated:
नाशिकच्या इंदिरानगर येथील वनसंपदा सोसायटीतील गार्डनमध्ये तरुणीच्या हत्येची घटना घडली आहे. रात्री 10:30 वाजेच्या सुमारास हा प्रकार घडला.
नाशिक : नाशिक कायद्या किल्ला असं पोलीस स्वस्त: गुन्हेगारांकडून वदवून घेत असले तरी शहराची अवस्था ही बिहारपेक्षा कमी नाही. शहरामध्ये दिवसेंदिवस गुन्हेगारीच्या घटना वाढतच चालल्या आहे. त्यामुळे कायद्याचा धाक कुणाला आहे की नाही, असा प्रश्न उपस्थितीत केला जात आहे. अशात आता नाशिकच्या इंदिरानगर परिसरामध्ये एका तरुणीची हत्या करण्यात आल्याची घटना घडली आहे. या घटनेमुळे परिसरात खळबळ उडाली आहे.
मिळालेल्या माहितीनुसार, नाशिकच्या इंदिरानगर येथील वनसंपदा सोसायटीतील गार्डनमध्ये तरुणीच्या हत्येची घटना घडली आहे. रात्री 10:30 वाजेच्या सुमारास हा प्रकार घडला. मृत तरुणीचे नाव वैष्णवी अनिल आवारे असल्याचं समोर आलं आहे. ही तरुणी वनसंपदा सोसायटीमध्ये पीजीमध्ये राहत होती. एका माथेफिरू तरुणाने तिच्यावर चाकूने सपासप वार करून तिचा खून केला. खून केल्यानंतर घटनास्थळावरून हल्लेखोर फरार झाला.
वैष्णवी रस्त्याच्या बाजूला रक्ताच्या थारोळ्यात पडलेली होती. स्थानिकांनी तातडीने याची माहिती पोलिसांनी दिली. पोलिसांनी घटनास्थळी धाव घेतली. घटनास्थळाचा पंचनामा करण्यात आला. वैष्णवीचा मृतदेह ताब्यात घेऊन शवविच्छेदनासाठी पाठवण्यात आला आहे. प्रेमप्रकरणातून हत्या झाल्याचा प्राथमिक संशय पोलिसांनी वर्तवला आहे. इंदिरानगर पोलीस अधिक तपास करत आहे.
(सविस्तर बातमी लवकरच)
Nashik,Maharashtra
Jul 18, 2026 12:03 AM IST
