Akola: तो तिथे आला अन् महिला सुरक्षारक्षकावर उचलला हात, रुग्णालयात मारहाणीचा VIDEO व्हायरल | महाराष्ट्र बातम्या

मिळालेल्या माहितीनुसार,  अकोला शहरातील जिल्हास्तरीय स्त्री रुग्णालयात प्रसूतीसाठी मोठ्या प्रमाणात महिला रुग्ण आणि त्यांचे नातेवाईक येत असतात. याच दरम्यान एका महिला रुग्ण आणि तिच्या पतीमध्ये काही कारणावरून वाद झाल्याची माहिती समोर आली आहे.

वाद सुरू असताना रुग्णालयातील महिला सुरक्षारक्षक कर्मचाऱ्यांनी मध्यस्थी करत वाद शांत करण्याचा प्रयत्न केला. मात्र, या गोष्टीचा राग मनात धरून काही वेळानंतर आरोपीनं  महिला सुरक्षा रक्षकावर हल्ला केला.  महिला सुरक्षारक्षकाला मारहाण केली. हा सगळा प्रकार सीसीटीव्ही कॅमेऱ्यात कैद झाला आहे.