तुम्ही जर ॲपल स्मार्टफोन खरेदी करण्याची वाट पाहत असाल, तर तुमच्यासाठी एक चांगली बातमी आहे. कारण क्रोमाने त्यांच्या ‘एव्हरीथिंग ॲपल’ सेलचा भाग म्हणून आयफोन 15 सह अनेक ॲपल प्रोडक्ट्सवर आकर्षक ऑफर्स जाहीर केल्या आहेत. आयफोन 15 हा फोन तुम्हाला आता 36 हजार 891 रूपयांच्या प्रभावी किमतीत खरेदी करता येईल. एवढच नाही तर या फोनसोबत एक मोफत ॲपल ओरिजिनल चार्जरही मिळेल. हा सेल 29 मे ते 14 जून पर्यंत ऑनलाइन आणि ऑफलाइन दोन्ही ठिकाणी उपलब्ध असेल. कंपनी ग्राहकांना एक्सचेंज बोनस, डिस्काउंट कूपन, बँक ऑफर्स आणि टाटा न्यू बेनिफिट्सच्या माध्यमातून अतिरिक्त बचतीची संधी देत आहे. चला तर मग आजच्या लेखात आयफोन 15 वरील ऑफर्स बद्दल जाणून घेऊयात
आयफोन 15 वर कोणती ऑफर आहे?
क्रोमाच्या ‘एव्हरीथिंग ॲपल’ सेलचे सर्वात मोठे आकर्षण आयफोन 15 आहे. कंपनीच्या म्हणण्यानुसार, 128 जीबी स्टोरेज असलेला आयफोन 15 हा ग्राहकांसाठी 36 हजार 891 रूपयांच्या प्रभावी किमतीत खरेदी करण्यास उपलब्ध केला आहे. या किमतीमध्ये एक्सचेंज बोनस, डिस्काउंट कूपन आणि टाटा न्यू बेनिफिट्सचा समावेश आहे.
सेलदरम्यान ग्राहकांना अनेक अतिरिक्त बचतीचे पर्यायही मिळत आहेत. वापरकर्त्यांना बँक ऑफर्स आणि इतर प्रमोशनल बेनिफिट्ससारखे फायदे देखील उपलब्ध आहेत. त्यामुळे आयफोन खरेदी करण्याचा विचार करणाऱ्या ग्राहकांसाठी ही ऑफर एक चांगला पर्याय ठरू शकते.
मोफत चार्जर, आयफोन 16 आणि आयफोन 17 वर सुद्धा सवलत
क्रोमाने आयफोन 15 खरेदी करणाऱ्या ग्राहकांसाठी आणखी एक विशेष ऑफर सादर केली आहे. सेल दरम्यान, फोनसोबत 2 हजार 190 किमतीचा एक मोफत ॲपल ओरिजिनल ॲडॉप्टर मिळेल. ही ऑफर केवळ सेल दरम्यानच्या कालावधीसाठी उपलब्ध असेल. कंपनीने आयफोन 16 आणि आयफोन 17 सिरीजवरही सवलती जाहीर केल्या आहेत. आयफोन 16 च्या 128 जीबी मॉडेलची किंमत 40 हजार 041 रूपये आहे. आयफोन 17 चे 256 जीबी मॉडेल 44 हजार 768 रूपयांच्या प्रभावी किमतीत खरेदी करता येईल. आयफोन 17 वर 1 हजार रूपयांची बँक कॅशबॅक, तसेच 1 हजार 658 रूपयांचे डिस्काउंट कूपन, 8 हजार रूपयां पर्यंतचा एक्सचेंज बोनस आणि 23 हजार 500 रूपयांपर्यंतचे एक्सचेंज मूल्य देखील मिळत आहे.
मॅकबुक आणि आयपॅडवरही विशेष सवलती
क्रोमाच्या सेलमध्ये केवळ आयफोनवरच नव्हे, तर मॅकबुक आणि आयपॅडवरही अनेक आकर्षक ऑफर्स आहेत. कंपनीच्या म्हणण्यानुसार विद्यार्थी आणि शिक्षक 13-इंची मॅकबुक एअर एम5 मॉडेल 73 हजार 540 रूपयांच्या प्रभावी सुरुवातीच्या किमतीत खरेदी करू शकतात. या किमतीमध्ये एक्सचेंज आणि टाटा न्यू लाभांचा समावेश आहे. निवडक आयपॅड मॉडेल्स खरेदी करणाऱ्या ग्राहकांना सिट्रॉन पेन्सिल आणि हायफन कव्हर यांसारख्या उत्पादनांसह मोफत ॲक्सेसरीज देखील मिळू शकतात. कंपनीने म्हटले आहे की, या ऑफर्स मर्यादित कालावधीसाठी उपलब्ध असतील आणि 14 जूनपर्यंत सहभागी स्टोअर्स आणि डिजिटल प्लॅटफॉर्मवर त्यांचा लाभ घेता येईल. ॲपलचे प्रोडक्ट खरेदी करण्याचा विचार करणाऱ्या ग्राहकांसाठी हा सेल एक मोठी बचतीची संधी ठरू शकतो.
