पोलिसांनी दिलेल्या माहितीनुसार, त्रिमूर्ती चौकातील विशाल देशी अड्ड्यासमोर दुपारी पावणेबाराच्या सुमारास ही घटना घडली. गणपत चंदर गारे (वय ६५, रा. उंटवाडी) असे मृताचे नाव असून, या खुनातील संशयित सर्मोद कोल (३५, मध्य प्रदेश) याला पोलिसांनी खुनानंतर काही मिनिटांतच बेड्या ठोकल्या. अंबड पोलिसांत खुनाचा गुन्हा दाखल करण्यात आला आहे. मृत गणपत गारे उंटवाडीचे रहिवासी असून ते, एका हातगाड्यावर भंगार खरेदी-विक्री करीत असत.
शिक्षकच बनला भक्षक, इयत्ता पाचवीच्या चिमुकलीसोबत किळसवाणं कृत्य, रत्नागिरी जिल्ह्यातील संतापजनक प्रकार
नेमके काय घडले?
त्रिमूर्ती चौकातील विशाल देशी अड्ड्यावर गणपत गारे आणि सर्मोद कोल हे दोघे मद्यपान करीत होते. त्यांच्यातील किरकोळ वाद विकोपाला गेल्यानंतर दोघांमध्ये बाहेर हाणामारी झाली. यावेळी गारे यांनी कोलवर लाकडी दांडक्याने हल्ला केला. त्यानंतर संतप्त कोलने गारेंच्या डोक्यात दगड घालून लाकडी दांडक्याने प्रहार केले. त्यात वर्मी घाव बसल्याने गारे जागेवरच कोसळले आणि काही मिनिटांतच त्यांचा मृत्यू झाला. ही घटना दिवसाढवळ्या वर्दळीच्या रस्त्यावर घडली. घटनास्थळी अनेक नागरिक उपस्थित होते. मात्र, कोणीही मध्यस्थी करण्याचा प्रयत्न केला नाही.
माहिती मिळताच अंबड पोलिस तात्काळ घटनास्थळी दाखल झाले. वरिष्ठ निरीक्षक मधुकर कड यांच्या नेतृत्वाखालील पथकाने आरोपीला घटनास्थळीच बेड्या ठोकत ताब्यात घेतलं. दरम्यान, रक्ताच्या थारोळ्यात सापडलेल्या वृद्धाचा प्राथमिक तपास करून पोलिसांनी त्याचा मृतदेह पुढील वैद्यकीय तपासणीसाठी शासकीय रुग्णालयात पाठवला.
Dhule News | धुळे पोलीस आणि माजी आमदाराच्या मुलामध्ये बाचाबाची, पोलिसांची धडक कारवाई
या संपूर्ण घटनेत सर्वात धक्कादायक बाब म्हणजे घटनास्थळी उपस्थित असलेल्या नागरिकांनी मदतीस धावण्याऐवजी आपापले मोबाईल फोन काढून व्हिडिओ रेकॉर्ड करणे पसंत केलं. पोलिसांच्या मते, जर त्या क्षणी लोकांनी तत्काळ तक्रार केली असती किंवा त्या वृद्धाच्या मदतीला धावले असते, तर कदाचित त्याचा जीव वाचू शकला असता.
