देशांतर्गत सराफा बाजारात सोन्याच्या किमतीत वाढीचा कल कायम असून गुरुवार, 23 जुलै रोजीही दरांमध्ये लक्षणीय वाढ नोंदवली गेली. मजबूत मागणी, कमी दरांवर झालेली खरेदी आणि आंतरराष्ट्रीय बाजारातील तेजी यामुळे सोन्याचे भाव पुन्हा उच्चांकाच्या दिशेने वाटचाल करत आहेत. राजधानी दिल्लीसह मुंबई, चेन्नई, कोलकाता, पुणे आणि बेंगळुरू या प्रमुख शहरांमध्ये सोन्याचे दर वाढले असून चांदीच्या किमतीतही मोठी वाढ दिसून आली आहे. दिल्लीमध्ये 24 कॅरेट सोन्याचा दर z1,46,570 रुपये प्रति 10 ग्रॅम इतका झाला असून 22 कॅरेट सोन्याची किंमत₹1,34,460 रुपये इतकी आहे. मुंबई, कोलकाता, चेन्नई, पुणे आणि बेंगळुरू येथे 24 कॅरेट सोन्याचा भाव 1,46,520 रुपये प्रति 10 ग्रॅम, तर 22 कॅरेट सोन्याची प्रति 10 ग्रॅमची किंमत 1,34,310 रुपये इतकी नोंदवण्यात आली आहे.
यापूर्वीच्या व्यवहारात दिल्लीच्या सराफा बाजारात 99.9 टक्के शुद्धतेच्या सोन्याच्या किमतीत 1,900 रुपयांची प्रति 10 ग्रॅम इतकी वाढ झाली होती. त्यामुळे सोन्याचा भाव 1,49,600 रुपयांच्या पातळीवर पोहोचला, जो गेल्या दोन आठवड्यांतील सर्वोच्च स्तर मानला जात आहे. यावरून बाजारातील तेजीचा कल अजूनही कायम असल्याचे दिसून येते.
का वाढते आहेत सोन्याचे दर ?
तज्ज्ञांच्या मते, गेल्या आठवड्यात सोन्याच्या किमतीत झालेल्या घसरणीनंतर गुंतवणूकदार आणि ग्राहकांनी कमी दरांचा फायदा घेत मोठ्या प्रमाणावर खरेदी केली. त्याचबरोबर लग्नसराईचा हंगाम, दागिन्यांची वाढती मागणी आणि जागतिक बाजारातील सकारात्मक संकेत यामुळेही सोन्याच्या किमतींना आधार मिळाला आहे. रॉयटर्सच्या माहितीनुसार, आंतरराष्ट्रीय बाजारात स्पॉट गोल्डचा दर 4,133.39 डॉलर प्रति औंस इतका असून ऑगस्ट डिलिव्हरीसाठीच्या यूएस गोल्ड फ्युचर्सचा भाव 4,136.8 डॉलर प्रति औंस आहे. जागतिक बाजारातील या तेजीचा परिणाम भारतीय बाजारावरही दिसून येत आहे.
देशांतील काही प्रमुख शहरांतील सोन्याचे दर
दिल्ली
24 कॅरेट: 1,46,570 रुपये प्रति 10 ग्रॅम
22 कॅरेट: 1,34,460 रुपये प्रति 10 ग्रॅम
मुंबई
24 कॅरेट: 1,46,520 रुपये प्रति 10 ग्रॅम
22 कॅरेट: 1,34,310 रुपये प्रति 10 ग्रॅम
कोलकाता
24 कॅरेट: 1,46,520 रुपये प्रति 10 ग्रॅम
22 कॅरेट: 1,34,310 रुपये प्रति 10 ग्रॅम
चेन्नई
24 कॅरेट: 1,46,520 रुपये प्रति 10 ग्रॅम
22 कॅरेट: 1,34,310 रुपये प्रति 10 ग्रॅम
पुणे
24 कॅरेट: 1,46,520 रुपये प्रति 10 ग्रॅम
22 कॅरेट: 1,34,310 रुपये प्रति 10 ग्रॅम
बंगळुरू
24 कॅरेट: 1,46,520 रुपये प्रति 10 ग्रॅम
22 कॅरेट: 1,34,310 रुपये प्रति 10 ग्रॅम
| शहर | 22 कॅरेट सोन्याचे आजचे दर (₹) | 24 कॅरेट सोन्याचे आजचे दर (₹) |
| दिल्ली | 134460 | 146570 |
| मुंबई | 134310 | 146520 |
| अहमदाबाद | 134360 | 146570 |
| चेन्नई | 134310 | 146520 |
| कोलकाता | 134310 | 146520 |
| हैदराबाद | 134310 | 146520 |
| जयपुर | 134460 | 146570 |
| भोपाळ | 134360 | 146570 |
| लखनऊ | 134460 | 146570 |
| चंदीगड | 134460 | 146570 |
चांदीच्या किमतीतही मोठी वाढ
सोन्याबरोबरच चांदीच्या दरातही तेजी कायम आहे. 23 जुलैच्या सकाळी देशांतर्गत बाजारात चांदीचा दर 2,40,100 रुपये प्रति किलो इतका नोंदवण्यात आला. आंतरराष्ट्रीय बाजारात स्पॉट सिल्व्हरचा भाव 59.78 डॉलर प्रति औंस झाला असून प्लॅटिनमची किंमत 1,646.57 डॉलर प्रति औंस इतकी आहे.
तज्ज्ञांच्या मते, जागतिक आर्थिक घडामोडी, गुंतवणूकदारांची सुरक्षित गुंतवणुकीकडे वाढती ओढ आणि मौल्यवान धातूंना मिळणारी वाढती मागणी यामुळे आगामी काळातही सोने आणि चांदीच्या किमतींमध्ये चढ-उतार कायम राहण्याची शक्यता आहे. त्यामुळे दागिने खरेदी करणाऱ्या ग्राहकांनी आणि गुंतवणूकदारांनी बाजारातील दरांवर सातत्याने लक्ष ठेवण्याचा सल्ला दिला जात आहे.
