तुमच्याकडे जर रिलायन्स जिओ किंवा एअरटेलचे प्रीपेड सिम कार्ड असेल, तर पुढच्या वेळी रिचार्ज करण्यापूर्वी कोणती कंपनी 30 दिवसांच्या वैधतेसह सर्वात स्वस्त रिचार्ज प्लॅन देते हे जाणून घ्या. जिओच्या सर्वात स्वस्त 30 दिवसांच्या प्लॅनची किंमत 355 रूपये आहे आणि त्यात डेटा, कॉलिंग, एसएमएस आणि अतिरिक्त लाभांचा समावेश आहे. दुसरीकडे, एअरटेलच्या सर्वात स्वस्त 30 दिवसांच्या प्लॅनची किंमत देखील 355 रूपये आहे. या दोन्ही टेलिकॉम कंपन्या ग्राहकांना आकर्षित करण्यासाठी प्लॅनमध्ये वेगवेगळ्या अतिरिक्त सुविधा देत आहेत. चला तर मग जाणून घेऊयात.
जिओचा 355 रूपयांच्या प्लॅनची माहिती
तुम्ही जर 355 रूपयांचा रिचार्ज केल्यावर रिलायन्स जिओ तुम्हाला एकूण 25 जीबी हाय-स्पीड डेटा, अनलिमिटेड व्हॉईस कॉलिंग आणि दररोज 100 एसएमएसचे फायदे मिळतात. इतकेच नाही, तर कंपनी या प्लॅनसोबत तीन महिन्यांचे जिओ हॉटस्टार मोबाईल, मोफत जिओ क्लाउड स्टोरेज, 18 महिन्यांचा गूगल जेमिनी प्रो प्लॅन, 5000 जीबी क्लाउड स्टोरेज आणि नॅनो बनाना बेनिफिट यांसारखे अतिरिक्त फायदेही देते. या प्लॅनची वैधता 30 दिवसांची आहे.
एअरटेलचे 355 रूपयांच्या प्लॅनचे फायदे
या एअरटेल प्रीपेड प्लॅनसोबत कंपनी तुम्हाला एकूण 25 जीबी हाय-स्पीड डेटा, 300 एसएमएस आणि अनलिमिटेड व्हॉईस कॉलिंगचे फायदे देईल. 30 दिवसांच्या वैधतेसह येणाऱ्या या प्लॅनमध्ये 5 रूपये किमतीचा टॉकटाइम देखील मिळतो. या प्लॅनमध्ये 4 हजार किमतीचे ॲडोबी एक्सप्रेस प्रीमियम (12 महिन्यांची वैधता), रिअल-टाइम स्पॅम कॉल आणि एसएमएस अलर्ट्स, आणि दर 30 दिवसांनी एकदा एक मोफत हॅलोट्यून यांसारखे अतिरिक्त फायदे देखील मिळतात.
फरक: दोन्ही प्लॅन्समधील फरकांबद्दल बोलायचे झाल्यास, सर्वात मोठा फरक एसएमएसमध्ये आहे. जिओ दररोज एसएमएस देते, तर एअरटेल एकूण 300 एसएमएस देते. शिवाय जिओ टॉकटाइम देत नाही, तर एअरटेल देते. तुम्हाला दोन्ही प्लॅन्सच्या अतिरिक्त लाभांमध्येही फरक जाणवेल. आता, तुमच्यासाठी कोणते लाभ सर्वात महत्त्वाचे आहेत हे ठरवणे तुमच्यावर अवलंबून आहे.
