Pune News: ‘त्या’ व्हिडिओवर मुरलीधर मोहोळांचं स्पष्टीकरण, रवींद्र धंगेकरांवर केली जोरदार टीका

निलेश नवलखा बिल्डिर व्हिडीओ

“या शहराचा महापौर म्हणून काम करत असताना शहरातले अनेक नागरिक वेगवेगळ्या समस्या घेऊन माझ्याकडे येत असतात. पाच वर्षापूर्वी काय घडलं हे मला आठवलं देखील नाही. काल तो व्हिडिओ पाहिल्यावर माझ्या लक्षात आलं. बाणेर बालेवाडी परिसरातील बालवडकर नावाचे काही शेतकरी त्यावेळी माझ्याकडे आले होते. त्यांनी मला सांगितलं की या बिल्डरने खोटी मोजणी करू हा प्लॅन सँक्शन केला आहे. त्याच्यामध्ये काहीतरी अनियमित्ता आहे, काहीतरी चुकीचं घडलं, असं त्यांनी मला सांगितलं. मी जेव्हा प्रशासनाकडून माहिती घेतली तेव्हा त्यापूर्वीच प्रशासनाने यावर स्टे दिलेला होता. मी तर आता महापालिकेत नाही महापालिका सोडून मला पाच वर्ष झाली आहेत. त्यानंतर तीन वर्ष मी लोकप्रतिनिधी सुद्धा होतो. त्यामुळे कोणीही उठायचं काहीही आरोप करायचे, या मागे चावी देणारा कोणीतरी वेळगा असेल, त्याकडे मी लक्ष देत नाही आणि मला त्यावर बोलायचं पण नाही,”असं मोहोळ म्हणाले आहेत.
Mumbai Fire News : मुंबईच्या जोगेश्वरीमधील JNS बिझनेस पार्क बिल्डिंगमध्ये भीषण आग; अनेक मजले भक्ष्यस्थानी, परिसरात भीतीचं वातावरण

महापालिका महायुती

पुणे महापालिकेत महायुती म्हणून निवडणुकीत उतरणार का या प्रश्नावर मुरळीधर मोहोळ म्हणाले, “राज्यस्तरावर आमची महायुती आहे. आमचे वरिष्ठ नेते जो आदेश देतील तोच आम्हा सगळ्यांना पाळावा लागेल. महायुतीचे मोठे नेते जो निर्णय घेतील तोच आम्हा सगळ्यांना मान्य करावा लागेल. मागच्या आठवड्यात निर्णय झाला त्यावेळेस आमच्या नेतृत्वाने आम्हाला सांगितलं की स्थानिक पातळीवर या संदर्भात निर्णय घ्यावे लागतील. त्यामुळे जेव्हा पुण्यात काय करायचं? असा विचार येईल तेव्हा चेंडू आमच्या कोर्टात येईल. मात्र, आता तरी आमचे वरिष्ठ नेते जे सांगतील तोच निर्णय मान्य करणार आहोत. मुख्यमंत्र्यांनी आदेश दिल्यानंतर स्वबळावर लढू. देवेंद्र फडणवीस यांनी सांगितलं तर आम्ही स्वबळावर नक्की लढू आम्हाला काहीही अडचण नाही”. असंही त्यांनी सांगितलं आहे.

रवींद्र धंगेकरांवर टीका

महायुतीतील नेते बोलत नाहीत हो एकच माणूस बोलतो आहे आणि त्याच्यावर बोलायचं मी सोडून दिलंय. माझं स्पष्टीकरण त्या दिवशीच मी दिलंय. एकच व्यक्ती आहे, उठ सूट बोलतोय. माझी माध्यमांना सुद्धा विनंती आहे या शहरातलं वातावरण बिघडवणाऱ्या लोकांच्या मुलाखती घेताना आधी त्यांचा कागद तपासा त्यांच्याकडून पुरावे घ्या आणि बिनधास्त तासतासभर मुलाखती लावा. हे आरोप व्यक्तिगत आहेत. ज्यावेळेस लोकसभा, विधानसभा निवडणूक झाली त्यामुळे राजकीय नैराश्यातून वैफल्यग्रस्त माणसाकडून दुसरी काय अपेक्षा करणार. त्यांच्यावर कोणी कारवाई करावी न करावी हा त्यांचा अंतर्गत विषय आहे. ज्यावेळेस हे कळेल, की काहीही आधार नसताना पुरावा नसताना हे आरोप सुरू आहेत, तेव्हा त्यांच्या नेतृत्वाला विचार करावा लागेल, असं म्हणत मोहोळांनी धंगेकरांवर टीका केली आहे.

संजय राऊतांवर टीका

मी या विषयात स्पष्टीकरण दिलेल आहे. त्यामुळे या विषयात पुन्हापुन्हा स्पष्टीकरण देण्याची गरज मला वाटत नाही. मी माझ्या पुणेकरांसाठी ते स्पष्टीकरण दिलेलं आहे. विशाल गोखले माझा मित्र होता. आहे आणि तो राहणार आहे. यात काही बदल नाही. पाच वर्षांपूर्वीचा एक व्हिडिओ काढला आणि त्यावरून टीका केली तो काही कालचा व्हिडिओ नाही. काल दुसरा एक व्हिडिओ आला त्यात मेन्स एवेन्यूची कोणीतरी जाहिरात करत होतं, मग हे काय पार्टनर आहेत का त्याचे? माझं म्हणणं आहे की या शहराची एक राजकीय संस्कृती आहे ती खराब होऊ नये. एक माणूस या संस्कृतीची वाट लावून टाकत आहे. सगळ्यांनी सावध राहा.

दरम्यान, संंजय राऊतांनी मोहोळांविरुद्ध धंगेकरांना भाजपकडून रसद पुरवली जात आहे या प्रश्नावर ‘राऊत साहेब रोज काहीतरी बोलत असतात त्यांना किती सिरीयसली घ्यायचं हे तुम्हीच ठरवा.’, असं म्हणाले आहेत.