Hemant Dhome pn Sonam Wangchuk Protest: मराठी मनोरंजनसृष्टीतील लोकप्रिय दिग्दर्शक व अभिनेता हेमंत ढोमे कायमच सोशल मीडियावर अनेक विषयांवर व्यक्त होताना दिसतो. काही दिवसांपूर्वी मिसिंग लिंकवर दरड कोसळल्याच्या प्रकारानंतर त्याची कमेंट चर्चेत होती. यादी कॉकरोच जनता पार्टीच्या (CJP) आंदोलनावरही तो बोलला होता. दरम्यान नीटपेपर फुटी आणि शिक्षण व्यवस्थेच्या भ्रष्टाचाराच्याविरोधात गेल्या 18 दिवसांपासून ज्येष्ठ शिक्षणातज्ञ आणि हवामान कार्यकर्ते सोनम वांगचुक (sonam wangchuk) आमरण उपोषणाला बसले आहेत. पूर्ण अन्नत्याग केल्यामुळे त्यांच्या प्रकृतीविषयी चिंता व्यक्त केली जात आहे. सोनम वांगचुक यांची प्रकृती खालवली असून त्यांचे 8.5 किलो वजन कमी झाले आहे. त्यांना सपोर्ट करण्यासाठी अनेक कलाकार, सेलिब्रेटींनी पाठिंबा व्यक्त केला असून मराठी अभिनेता आणि दिग्दर्शक हेमंत ढोमेने सोनम वांगचुक यांच्यासाठी एक पोस्ट शेअर केली आहे. त्याच्या पोस्टची सध्या चर्चा आहे.
काय म्हणाला हेमंत ढोमे ?
दिग्दर्शक व अभिनेता हेमंत ढोमे याने शिक्षणतज्ञ व हवामान कार्यकर्ते सोनम वांगचुक यांच्यासाठी केलेली एक पोस्ट सध्या सोशल मीडियावर चर्चेत आहे. हेमंत म्हणाला ‘सरकार हे भारत देशाचं आहे.. या देशाने निवडून दिलेला आहे. इथे विचारला जाणाऱ्या प्रत्येक प्रश्नाचं उत्तर देणं हे सरकारची मूलभूत जबाबदारी आहे.त्यामुळे भारत देशातील कुठल्याही उठावाला चर्चेतून वाट देणं ही या सरकारची जबाबदारी आहे.आता या सरकारने लवकरात लवकर ती पार पाडावी ! सोनम वांगचुक यांच्या जीवावर बेतेल असे दुर्लक्ष या सरकारने करू नये! कोण चूक कोण बरोबर सगळं नंतर बघता येईल! पण आत्ता एका अत्यंत महत्त्वाच्या व्यक्तीच्या जीवाची परवा या सरकारला करावीच लागेल …यातून मार्ग काढावाच लागेल!’ असं हेमंत ढोमे म्हणालाय.
शिक्षण मंत्री धर्मेंद्र प्रधान यांच्या कार्यकाळात भारतात महत्त्वाचे तीन पेपर फुटले आहेत. नीट पेपर फुटी आणि शिक्षण व्यवस्थेतील भ्रष्टाचारा विरोधात देशभरात त्यांच्या विरोधातील रोष वाढताना दिसतोय. त्यांच्या राजीनाम्यासाठी काही दिवसांपूर्वी कॉकरोच जनता पार्टीने दिल्लीतील जंतर-मंतर येथे आंदोलनही केलं होतं. असंख्य विद्यार्थ्यांना पेपर फुटीच्या हलगर्जीपणामुळे मोठा मनस्ताप सहन करावा लागला. देशातील नीट पेपर फुटीची जबाबदारी स्वीकारत केंद्रीय शिक्षण मंत्री धर्मेंद्र प्रधान यांनी राजीनामा द्यावा ही मूळ मागणी करत कॉकरोचे जनता पार्टीसह सोनम वांगचुक यांचा आंदोलन सुरू असून गेल्या 18 दिवसांपासून ते उपोषणाला बसले आहेत.
