Lord Shiva Favourite Zodiac Signs : हिंदू धर्मात श्रावण (Shravan 2026) महिन्याला फार महत्त्व आहे. त्यानुसार, येत्या 13 ऑगस्ट 2026 रोजी श्रावण महिन्याला सुरुवात होणार आहे. हा कालावधी 13 ऑगस्ट ते 11 सप्टेंबर 2026 पर्यंत श्रावण महिन्याचा कालावधी असणार आहे. श्रावण महिन्यात एकूण 4 सोमवार आहेत. या दरम्यान भगवान शंकराच्या (Lord Shiva) मंदिरात भक्तांची मोठी गर्दी जमा होते. शंकराच्या शिवलिंगावर जलाभिषेक केला जातो.
ज्योतिष शास्त्रानुसार, भगवान शंकराला चार राशी फार प्रिय आहेत. या चार राशींसाठी श्रावण महिना फार शुभकारक असणार आहे. या राशी नेमक्या कोणत्या ते जाणून घेऊयात.
वृषभ रास (Taurus Horoscope)
वृषभ राशी ही भगवान शंकराच्या प्रिय राशींपैकी एक रास मानली जाते. या राशीचा संबंध चंद्राशी जोडण्यात आला आहे. त्यामुळे श्रावणाचा काळ या राशीसाठी फार शुभकारक असणार आहे. या काळात तुमच्या आर्थिक स्थितीत चांगली भरभराट झालेली दिसेल. वैवाहिक स्थितीत चांगली सुधारणा झालेली दिसेल.
कर्क रास (Cancer Horoscope)
कर्क राशीचा स्वामी चंद्र ग्रह आहे. या राशीच्या लोकांवर देखील भगवान शंकराची कृपा असते. या काळात तुम्हाला करिअर आणि व्यवसायात अनुकूल परिणाम पाहायला मिळणार आहे. उत्पन्न वाढवण्याचे अनेक साधने तुमच्यासमोर निर्माण होतील. तसेच, या काळात तुम्ही गुंतवणूक केलेल्या पैशांतून तुम्हाला चांगला परतावा मिळेल.
मकर रास (Capricorn Horoscope)
मकर राशीचा स्वामी ग्रह हा शनिच्या जवळ आहे. श्रावणाचा हा महिना देखील मकर राशीसाठी फार शुभकारक असणार आहे. या काळात तुमची आर्थिक स्थिती चांगली असेल. तुमच्या व्यवसायाचा विस्तार वाढलेला दिसेल. तसेच, तुम्हाला एखादी शुभवार्ता देखील या काळात ऐकायला मिळेल.
कुंभ रास (Aquarius Horoscope)
कुंभ राशीच्या लोकांवर देखील भगवान शंकराची विशेष कृपा पाहायला मिळणार आहे. या काळात तुम्हाला संपत्तीतून चांगला लाभ मिळेल. तुमच्या धनसंपत्तीत चांगली भरभराट पाहायला मिळेल. तसेच, तुमची निर्णय घेण्याची क्षमता अधिक चांगली होईल. समाजात तुम्हाला चांगला मान-सन्मान मिळेल. महत्त्वाच्या कामात यश मिळेल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
इतर महत्त्वाच्या बातम्या :
Shani Vakri 2026 : मकर, कुंभ आणि मीन राशींनो वेळीच राहा सावध…27 जुलैपासून पुढचे 138 दिवस असणार शनिची वक्री चाल, संपत्तीवर होणार परिणाम?
