उपमुख्यमंत्री एकनाथ शिंदे यांच्याकडून एका मागून एक मोठे धक्के उद्धव ठाकरे यांना दिली जात आहेत. ठाकरे गटाचे तब्बल 6 खासदार एकनाथ शिंदे यांनी फोडली. या खासदारांनी लोकसभा अध्यक्षांना स्वतंत्र घट स्थापनेबद्दलचे पत्रही दिले. संजय राऊत, अरविंद सावंत आणि अनिल देसाई यांनी देखील लोकसभा अध्यक्षांची भेट घेत या खासदारांना व्हिप जारी केले. मात्र, या खासदारांनी व्हिप जारी करूनही पक्षाच्या बैठकीला अनुपस्थितीत राहण्याचा निर्णय घेतला. यानंतर 6 खासदार थेट एकनाथ शिंदेंच्या शिवसेनेत दाखल झाले. यापैकी दोन जणांना थेट केंद्रात मंत्रिपद मिळणार आहे. केंद्रीय मंत्रिमंडळाचा लवकरच विस्तार केला जाणार आहे. त्यामध्येच शिवसेना शिंदे गटाला तब्बल तीन मंत्रीपदे मिळणार आहेत. विधान परिषदेच्या उपसभापतीपदासाठी थेट ठाकरे गटाचे नेते सचिन आहिर यांनी महायुतीकडून अर्ज दाखल केला आणि एकच खळबळ उडाली. 6 खासदारांनंतर सचिन आहिर यांचा शिंदे गटातील प्रवेश उद्धव ठाकरेंसाठी दुसरा मोठा धक्का होता.
आता ठाकरे गटातील अनेक नेते पक्षाला सोडचिठ्ठी देताना दिसत आहेत. काल अचानक एकनाथ शिंदे यांनी प्रकृती खराब झाली. ठाण्यात मोठे पक्षप्रवेश होते. मात्र, प्रकृती खराब झाल्याने तिथे एकनाथ शिंदे पोहोचू शकले नाही. शुभांगी पाटील यांचा शिवसेना शिंदे गटातील प्रवेश श्रीकांत शिंदे यांच्या उपस्थितीत झाला. प्रकृती बरी नसल्याने आणि अस्वस्थ वाटत असल्याने एकनाथ शिंदे यांना रूग्णालयात दाखल करण्यात आले.
उपमुख्यमंत्री एकनाथ शिंदे रुग्णालयात दाखल असले तरीही ते आपल्या कर्तव्य पार पाडत आहेत. एकनाथ शिंदे थेट रुग्णालयातून पावसाच्या परिस्थितीचा आढावा घेत आहेत. एकनाथ शिंदे यांनी अधिकाऱ्यांकडून पावसाच्या अडचणीबाबतही माहिती मागवली आहे. नागरिकांना तातडीने मदतकार्य राबवण्याच्या सूचना एकनाथ शिंदे यांनी दिल्या आहेत.
रुग्णालयातून राज्यातील अतिमुसळधार पावसामुळे निर्माण झालेल्या परिस्थितीवर लक्ष ठेऊन आहेत. प्रशासकीय अधिकारी तसेच शिवसैनिकांनी रस्त्यावर उतरून मदतकार्य करण्याचे आवाहन एकनाथ शिंदे यांनी केले. नागरिकांच्या समस्या तात्काळ सोडवून आवश्यक ती सर्व मदत उपलब्ध करून देण्याच्या सूचना त्यांनी संबंधित यंत्रणांना देखील दिल्या आहेत.
