परभणीत आयशर आणि कारचा भीषण अपघात, दोन जणांचा जागीच मृत्यू, कार चक्काचूर, पोलिस घटनास्थळी दाखल

Parbhani Accident News :  परभणीच्या कोल्हा गावाजवळ आयशर आणि कारचा भीषण अपघात (Parbhani Accident) झाल्याची घटना घडली आहे. अपघातात कारमधील दोन जणांचा जागीच मृत्यू झाला आहे, तर आयशरचा चालक जखमी झाला आहे. त्याच्यावर उपचार सुरू आहेत. अपघाताची माहिती मिळताच पोलीस घटनास्थळी दाखल झाले आहेत. दरम्यान अपघात एवढा भीषण होता की या कारमधील दोन जणांचा जागीच मृत्यू झाला आहे. 

कार पूर्ण चकनाचूर झाली

परभणीच्या मानवत तालुक्यातील कोल्हा येथील उड्डाण पुलाजवळ आयशर आणि एर्टिगा कारचा भीषण अपघात होऊन कारमधील दोघांचा जागीच मृत्यू झाला आहे. या अपघातात आयशर चालकही जखमी झाला असून त्याच्यावर उपचार सुरू आहेत. अपघाताची माहिती मिळताच पोलीस घटनास्थळी दाखल झाले आहेत. एर्टिगा कारमध्ये गणेश निर्मळ आणि माऊली निर्मळ हे दोघेजण प्रवास करत होते. त्यानंतर कार आणि पुढून येणाऱ्या आयशर मध्ये अपघात झाला हा अपघात एवढा भीषण होता की कारचा पूर्ण भाग हा चकनाचूर झाला आहे. ज्यामुळे कारमधील दोघांचा जागीच मृत्यू झाला. अपघातात आयशर चालक जखमी झाला असून त्याला उपचारासाठी रुग्णालयात दाखल करण्यात आले आहे. घटनेची माहिती मिळताच पोलीस घटनास्थळी पोहोचले असून, पुढील तपास पोलीस करत आहेत.