आजपासून भारत आणि इंग्लंड मालिकेला सुरुवात होणार आहे. पहिला सामना भारतीय वेळेनुसार आज रात्री दहा वाजता खेळवला जाणार आहे, हा सामना चेस्टर-ले-स्ट्रीटमध्ये खेळवला जाईल. भारतीय संघ आता इंग्लंडविरुद्ध मालिका जिंकण्यासाठी सज्ज असेल. आयर्लंडविरुद्धची टी-20 मालिका गमावल्यामुळे भारतीय संघावर बरीच टीका होत आहे. आयर्लंडविरुद्ध वैभव सूर्यवंशीला भारतीय संघात स्थान मिळाले नाही. वैभवच पदार्पण लांबले आहेत आता ते इंग्लंडविरुद्ध तरी होते की नाही हे आता मालिका सुरु झाल्यावरच समजेल. पण आता वैभवचा एक व्हिडिओ जोरदार व्हायरल होत आहे. या व्हायरल व्हिडिओमध्ये भारतीय संघाचे मुख्य प्रशिक्षक गौतम गंभीर आणि बॅटिंग कोच सितांशु कोटक देखील दिसत आहे.
भारत आणि इंग्लंड यांच्यातील टी-20 मालिकेत वैभव सूर्यवंशी आंतरराष्ट्रीय पदार्पण करण्याची शक्यता आहे. आयर्लंड मालिकेसाठी त्याचा संघात समावेश नव्हता. 30 जून रोजी इंग्लंडविरुद्धच्या मालिकेपूर्वी वैभव सूर्यवंशी सराव करताना दिसला होता, त्यामुळे चेस्टर-ले-स्ट्रीट येथील सामन्यात त्याचा समावेश होण्याची शक्यता निर्माण झाली आहे. त्याने संजू सॅमसनसमोर सराव केला. यावेळी त्याने भारतीय वेगवान गोलंदाज आणि नेट गोलंदाज या दोघांचाही सामना केला. सरावानंतर भारतीय संघाचे मुख्य प्रशिक्षक गौतम गंभीर आणि फलंदाजी प्रशिक्षक सितांशु कोटक यांनी त्याच्याशी संवाद साधला. दोन्ही प्रशिक्षक त्याच्या फलंदाजीवर खुश असल्याचे पाहायला मिलाले. वैभवची फलंदाजी पाहून दोन्ही प्रशिक्षक प्रभावित झाले.
You’ve all trolled Gautam Gambhir for no reason💔🗣️;
Clip shows Vaibhav Sooryavanshi being praised by Gautam Gambhir and even receiving a fist bump from the batting coach, Sitanshu Kotak.
It was Shreyas Iyer who didn’t want him in the playing XI and because of that, The little… pic.twitter.com/DlG7o0IZFW
— Gillfied⁷ (@Gill_Iss) June 29, 2026
वैभवने नेटमध्ये दोनदा सराव केला. एकदा त्याने फिरकी गोलंदाजांचा सामना केला, तर दुसऱ्यांदा तो केवळ वेगवान गोलंदाजांविरुद्ध खेळला. वेगवान गोलंदाजांविरुद्धच्या सरावादरम्यान त्याने हर्षित राणा, अर्शदीप सिंग आणि प्रसिद्ध कृष्णा यांच्या चेंडूंचा सामना केला. त्याने काही मोठे फटके मारण्याचा प्रयत्न केला, तर काही चेंडू बचावले. एका नेट गोलंदाजानेही त्याला गोलंदाजी केली. अर्शदीप सिंगच्या एका चेंडूचा सामना केल्यानंतर हर्षितने वैभवसाठी टाळ्याही वाजवल्या. 15 वर्षीय फलंदाजाला काही चेंडूंवर आपली बॅट नीट ठेवता आली नाही. त्यानंतर तो आपल्या बॅटकडे पाहताना दिसला. मात्र, सामन्यादरम्यान तो पूर्णपणे सहज दिसत होता. सामन्यादरम्यान अभिषेक शर्मा पंच म्हणून उभे होते.
Vaibhav Smashing Indian bowlers everywhere around the corner in the nets💥#ENGvIND #Cricket #TeamIndia pic.twitter.com/LKqP7oYjmF
— CREX (@Crex_live) June 30, 2026
वैभव फिरकी गोलंदाज रवी बिश्नोई आणि वॉशिंग्टन सुंदर यांचा सामना करत होता. त्यांच्या सरावानंतर सॅमसन नेट्समध्ये गेला. त्याची आयर्लंड मालिका चांगली गेली नव्हती, पहिल्या सामन्यात त्याने चार धावा दिल्या होत्या आणि दुसऱ्या सामन्यात तो शून्यावर बाद झाला होता. परिणामी, इंग्लंडविरुद्धच्या मालिकेपूर्वी त्याने आपल्या फलंदाजीच्या कौशल्याला धार लावली. जेव्हा सूर्यवंशीने आपला सराव संपवला, तेव्हा मुख्य प्रशिक्षक गंभीरने त्याला थम्स-अप दिला. दरम्यान, फलंदाजी प्रशिक्षक कोटकने सूर्यवंशीच्या पाठीवर थाप मारली.
