उत्तराखंडच्या खोऱ्यांमधील हिरवीगार डोंगर आणि थंडगार वारे आपल्याला कडक उन्हापासून आराम देतात. त्यामुळे आपल्यापैकी अनेकजण सुट्ट्यांमध्ये तसेच उन्हाळ्यात केवळ आराम करण्यासाठी डोंगर भागांकडे फिरायला जाण्याचा प्लॅन करतात. तर काही जण या भागांमधील ॲडव्हेंचर गोष्टींचा आनंद घेतात. ॲडव्हेंचर ॲक्टिव्हिटी हा ट्रेकिंग हा एक उत्तम पर्याय आहे. कारण हे ॲक्टिव्हिटी तुमचे उन्हाळ्याचे दिवस अविस्मरणीय बनवेल. बर्फाच्छादित पर्वत, हिरवीगार शेतं, चोहोबाजूंनी पसरलेली झाडं आणि काही डोंगराळ वाटा, पण हीच तर ट्रेकिंगची खरी मजा आहे. पण यासोबतच फिरायला जाताना बजेटचा विचार करणे देखील सर्वात महत्त्वाचे असते. चला तर मग आजच्या लेखात आपण उत्तराखंडमधील बजेट फ्रेंडली ठिकाणांबद्दल जाणून घेणार आहोत, जिथे फिरणे आणि ट्रेकिंगची आठवण राहील.
उत्तराखंडच्या नैसर्गिक सौंदर्यात ट्रेकिंग करण्याचा अनुभव तुम्ही कधीही विसरणार नाही. अनेकदा उत्तराखंडबाहेरील लोकांना या ठिकाणांबद्दल मर्यादित माहिती असते. आम्ही अशा पाच आणि कमी खर्चाच्या ठिकाणांची माहिती जाणून घेऊयात, जिथे तुम्ही मित्रांसोबत ट्रेकिंग करू शकता.
दयारा बुग्याल ट्रेक
दयारा बुग्याल ट्रेक उत्तरकाशीमध्ये आहे. येथील हिरवीगार मैदाने आणि हिमालय पर्वतरांगांची दृश्ये खरोखरच नेत्रदीपक आहेत, ज्यामुळे येथील ट्रेकिंग करणे हा एक अद्वितीय अनुभव ठरतो. दयारा बुग्याल ट्रेकिंगची सुरुवात रायथल येथून होते. एका ट्रेकरला अंदाजे 5 हजार ते 6 हजार रुपये खर्च येऊ शकतो. उन्हाळ्यात ट्रेकिंगसाठी मे ते जून हा सर्वोत्तम काळ आहे.
ब्रह्मताल ट्रेक
तुम्ही जर ट्रेकर असाल, तर तुम्ही उत्तराखंडमधील चमोली येथे असलेला ब्रह्मताल ट्रेक ट्राय करा. ब्रह्मताल ट्रेकवरील ट्रेकिंग हा एक अद्भुत अनुभव असेल, कारण येथील तलाव, डोंगर आणि ओकची झाडे एक प्रकारचा उत्साह आणि रोमांच निर्माण करतील. हा ट्रेक लोहजंग येथून सुरू होतो. प्रति व्यक्ती खर्च अंदाजे 5 हजार रुपये आहे, मात्र एकूण खर्च तुमच्या निवास आणि खाण्यपिण्यावर असते.
चोपटा तुंगनाथ चंद्रशिला ट्रेक
उत्तराखंडमधील रुद्रप्रयाग येथे ट्रेकिंग करणे हा देखील एक अद्भुत अनुभव आहे. येथे तुम्हाला शातंता जाणवेल, कारण ट्रेकच्या शेवटी तुंगनाथ हे शिवमंदिर आहे, जिथे भेट देण्याची अनेकांची इच्छा असते. तुम्ही तुमच्या ट्रेकची सुरुवात श्री गणेश चोपटा येथून करू शकता. प्रति व्यक्ती खर्च 6 हजार ते 8 हजार रुपयांपर्यंत असू शकतो. तुम्ही येथे एप्रिल ते जून या महिन्यादरम्यान भेट देऊ शकता.
केदारकांठा ट्रेक
केदारकांठा ट्रेक हा उत्तराखंडमधील सर्वात लोकप्रिय ट्रेकपैकी एक आहे, जिथे तुम्हाला हिमालय पर्वतरांगांची चित्तथरारक दृश्ये, पर्वतीय कॅम्पिंग आणि मनमोहक अनुभव घेता येतो. येथील हिरवागार प्रदेश अॅक्टिव्हिटी आणि मनःशांती दोन्ही अनुभवता येते. तुम्ही तुमच्या ट्रेकची सुरुवात सांकरी या ठिकाणाहून करू शकता. ट्रेकिंगचा खर्च प्रति व्यक्ती 5 हजार ते 5 हजार 500 रुपयांपर्यंत असू शकतो.
हर की दुन
उत्तराखंडमधील ट्रेक्सबद्दल बोलायचे झाल्यास, तुम्ही हर की दुनला भेट देऊ शकता. हा ट्रेक उत्तराखंडमधील प्राचीन गावांमधून नद्यांना एकत्र आणतो आणि बर्फाच्छादित पर्वतांचे दृश्य तुम्हाला आनंदित करेल. मैदानी प्रदेशातील उष्णता विसरा आणि थंड वाऱ्याच्या झुळकेत एका चित्तथरारक ॲडव्हेंचरचा अनुभव घ्या. हा ट्रेक उत्तराखंडमधील उत्तरकाशी येथील तालुका गावातून सुरू होतो आणि त्यासाठी तुम्हाला अंदाजे 10 हजार रुपये खर्च येऊ शकतो.
