सेलिब्रिटी कायम त्यांच्या खासगी आयुष्यामुळे चर्चेत असतात. आता देखील एका प्रसिद्ध अभिनेत्याच्या खासगी आयुष्याच्या चर्चांनी जोर धरला आहे. अभिनेत्यानंतर हिंदू तरुणीचं ब्रेनवॉश करून तिचं धर्मांतर केलं, त्यानंतर तिच्यासोहब लग्न केलं.. एवढंच नाही तर, तरुणीची संपत्ती देखील बळकावल्याचे आरोप अभिनेच्यावर लावण्यात आले. यावर अखेर अभिनेत्याने मौन सोडलं आहे. सध्या सर्वत्र फक्त आणि फक्त अभिनेत्याच्या खासगी आयुष्याची चर्चा रंगली आहे. ज्या अभिनेत्याच्या खासगी आयुष्याची चर्चा रंगली आहे, तो दुसरा तिसरा कोणी नाही तर, प्रसिद्ध सोशल मीडिया इंफ्लुएन्सर, अभिनेता आणि बिग बॉस स्पर्धत अदनान शेख आहे. अदनान याने 2024 मध्ये गर्लफ्रेंडसोबत मोठ्या थाटात लग्न केलं. लग्नानंतर अदनान याने मुलाचं देखील जगात स्वागत केलं आहे.
पण लग्नाचे फोटो आणि व्हिडीओ व्हायरल झाल्यानंतर अदनान याला मोठ्या प्रमाणात ट्रोलिंगचा सामना करावा लागला. कारण अदनान याची पत्नी हिंदू आहे. पण अदनान याच्यासोबत लग्न करण्यापूर्वी तिने स्वतःच्या हिंदू धर्माचा त्याग करत मुस्लीम धर्म स्वीकारला. अदनान याच्या पत्नीचं खरं नाव रिद्धी असं आहे. पण इस्लाम धर्माचा स्वीकार केल्यानंतर तिने स्वतःचं नाव बदललं आणि आयेशा असं ठेवलं… इस्लामचा स्वीकार केल्यानंतर अदनान याची पत्नी कायम हिजाह घालते आणि कधीच स्वतःचा चेहरा दाखवत नाही.
अशात अदनान याच्यावर आरोप आहे की, त्याने पत्नीचं ब्रेनवॉश केलं आणि बळजबरी इस्लाम धर्माचा स्वीकार करण्यास सांगितलं… युजर्सच्या या ट्रोलिंगवर अदनान यान अखेर मौन सोडलं आणि सत्य सांगितलं आहे. अदनान म्हणाला, ‘तुम्ही लोक ब्रेनवॉश आणि आणखी काय काय बोलत आहात, त्यामागे काहीही तथ्य नाही… आम्ही दोघे देखील सुजाण आहोत..’, पत्नीच्या संपत्तीबद्दल देखील त्याने मोठं वक्तव्य केलं, ‘मला कोणतीच संपत्ती मिळालं नाही…’ असं देखील अदनान म्हणाला आहे.
सांगायचं झालं तर, अदनान त्याची पत्नी आणि मुलासोबत आनंदी आयुष्य जगत आहे. याआधी देखील त्याने पत्नीच्या धर्माबद्दल मोठं वक्तव्य केलं होतं. ‘पत्नीने स्वतः लग्नाआधी इस्लाम धर्म स्वीकारला आहे. भारतात सर्वांना स्वतंत्र आहे… कोणीच कोणावर बळजबरी करु शकत नाही..’ असं देखील अदनान म्हणालेला.
