भारत विरुद्ध अफगाणिस्तान यांच्यातील दुसऱ्या टी-२० सामन्यात शिवम दुबेच्या सुस्त क्षेत्ररक्षणामुळे भारतीय संघाला फटका बसला.
त्याच्या खराब फिल्डिंगमुळे जसप्रीत बुमराहच्या गोलंदाजीवर सलग दोन चौकार गेले.
बुमराहसारख्या उत्कृष्ट गोलंदाजाच्या चेंडूवर खराब फिल्डिंगमुळे चौकार गेल्यावर त्यालाही आश्चर्य वाटले. रागवण्याऐवजी बुमराहने उपहासात्मक हसून टाळ्या वाजवल्या, ज्यावर सुनील गावस्कर यांनीही कॉमेंट्री करताना भाष्य केले.
तिसऱ्या षटकाच्या पहिल्या चेंडूवर इब्राहिम झाद्रानने मारलेल्या शॉटवर दुबेने वेगाने पळून चेंडू अडवण्याचा किंवा डाईव्ह मारण्याचा कोणताही प्रयत्न केला नाही. यामुळे तो चेंडू सहज बाउंड्री लाईन पार करून गेला आणि अफगाणिस्तानला चौकार मिळाला.
पुढच्याच चेंडूवर पुन्हा एकदा चेंडू मिडविकेटकडे गेला, तेव्हा दुबेने पळत जाऊन चेंडू अडवला खरा.
पुढच्याच चेंडूवर पुन्हा एकदा चेंडू मिडविकेटकडे गेला, तेव्हा दुबेने पळत जाऊन चेंडू अडवला खरा. पण चेंडू हातातून निसटून त्याच्याच चुकीमुळे सीमारेषेबाहेर गेला आणि पुन्हा दुसरा चौकार गेला.
या घटनेमुळे भारतीय संघाच्या सध्याच्या फिल्डिंग स्तरावर आणि फिटनेसवर पुन्हा एकदा प्रश्न निर्माण झाले आहेत. विराट कोहली आणि रवींद्र जडेजासारख्या खेळाडूंनंतर भारतीय संघातील क्षेत्ररक्षणाचा दर्जा घसरल्याची चर्चा सोशल मीडियावर आणि क्रिकेट वर्तुळात होत आहे.
