वाढदिवसाला तलवारीने कापला केक, मध्यरात्री केलेली भाईगिरी पडली महागात; 5 जणांवर गुन्हे दाखल

याप्रकरणी पोलिसांनी शस्त्र अधिनियम आणि महाराष्ट्र पोलीस अधिनियमान्वये कारवाई करत गुन्हा दाखल केला आहे. हा प्रकार साठे पाटील वस्ती येथे दि. ४ ऑक्टोबर रोजी रात्रीच्या ११ च्या सुमारास मित्राच्या खांद्यावर बसून तलवार फिरवणाऱ्या गुंडप्रवृत्तीच्या विजय शिवाजी साठे याने तलवारीने केक कापला. त्यामुळे विजय साठेसह सात जणांवर सलगरवस्ती पोलिस ठाण्यात गुन्हा दाखल झाला आहे. जोरजोरात गाणी वाजवत नागरिकांच्या मनात दहशत निर्माण होईल, असे कृत्य करणाऱ्या विजय साठेसह प्रदीप सिद्राम संगटेकर, प्रशांत शिंगे, करण शिंगे, भय्या पोळ आणि इतर दोघांवर गुन्हा दाखल झाला आहे.
Yashasvi Jaiswal: रन आऊटमध्ये चूकीचा कोण, शुभमन की यशस्वी, अनिल कुंबळे यांनी थेट क्रिकेटचा नियमच सांगितला

पोलिसांनी दाखल केलेल्या फिर्यादीवरून गुन्हा

सलगरवस्ती पोलीस ठाण्याचे पोलीस शिपाई दिपक साळुंके यांनी दिलेल्या फिर्यादी दिली आहे. ४ ऑक्टोबर २०२५ रोजी रात्री ११ वाजण्याच्या सुमारास साठे पाटील वस्ती येथे विजय शिवाजी साठे याच्या वाढदिवसानिमित्त काही गुंड प्रवृत्तीच्या व्यक्तींनी सार्वजनिक रस्त्यावर दहशत निर्माण केली. विजय साठे, प्रदीप सिद्राम संगटेकर, प्रशांत शिंगे, करण शिंगे, भैय्या पोळ आणि इतर दोन अज्ञात व्यक्तींनी तलवारीने केक कापून, तलवार हवेत फिरवून आणि मोठ्या आवाजात स्पीकरवर गाणी लावून परिसरातील नागरिकांना त्रास दिला. याशिवाय, रात्री ११: ४५ च्या सुमारास या व्यक्तींनी मोटारसायकलवर ट्रिपल सीट बसून सायलन्सरचा मोठा आवाज करत बाईक रॅली काढली, ज्यामुळे परिसरात भितीचे वातावरण निर्माण झाले.

तलवारीने केक कापणाऱ्यांवर लागली ‘ही’ कलमे

पोलीस उपायुक्त (गुन्हे शाखा) यांच्या २६ सप्टेंबर २०२५ च्या आदेशानुसार, सोलापूर शहरात शांतता आणि सुव्यवस्था राखण्यासाठी शस्त्रबंदी आणि पाच किंवा त्यापेक्षा जास्त व्यक्तींच्या जमावबंदीचे आदेश लागू आहेत. या आदेशाचा भंग केल्याप्रकरणी सलगरवस्ती पोलीस ठाण्यात याप्रकरणी कारवाई करण्यात आली आहे.

विजय साठे, प्रदीप संगटेकर, प्रशांत शिंगे, करण शिंगे आणि भैय्या पोळ यांच्याविरुद्ध शस्त्र अधिनियम १९५९ चे कलम ४ आणि २५, महाराष्ट्र पोलीस अधिनियम १९५१ चे कलम ३७ आणि १३५, तसेच भारतीय न्याय संहिता २०२३ चे कलम १८९(२) आणि १८९(४) अन्वये गुन्हा दाखल करण्यात आला आहे.