बाळाचा चेहरा पाहणं राहूनच गेलं! पाळणा हलण्याआधी चिता पेटली; तरुण पोलीसाचा दुर्दैवी अंत | मुंबई बातम्या (Mumbai News)

मिळालेल्या माहितीनुसार, श्रीनर्धन पोलीस ठाण्यात कार्यरत असलेल्या एका 26 वर्षीय तरुण पोलीस जवानाचा दुर्दैवी मृत्यू झालेला आहे. या ऋतिक किसन ढोले असे मृत जवानाचे नाव असून त्यांच्या मृत्यूने कर्जत परिसरात मोठी हळहळ व्यक्त केली जात आहे. एक धक्कादायक गोष्ट म्हणजे काही काळापूर्वी लग्न झाले असून त्यांची पत्नी गरोदर असताना ही घटना घडली असल्याने कुटुंबावर दु:खाचा डोंगर कोसळला आहे.

ऋतिक ढोले हे आपल्या चार मित्रांसोबत कारने कळंब या ठिकाणाहून चाहूचीवाडी येथील त्यांच्या गावी जाण्यासाठी निघाले होते. या प्रवासत कार स्वत:ऋतिक चालवत होते. नेमके रात्रीच्या वेळी कर्जत-मुरबाड महामार्गावर कळंब-चाहूचीवाडी गावाजवळ एका धोकादायक वळण आले आणि ऋतिक यांचा कारवरील ताबा सुटला. भरधाव वेगात असलेली कार थेट रस्त्याच्या कडेला असलेल्या लोखंडी संरक्षक रेलिंगवर अतिशय जोरात आदळली. धडक इतकी भीषण होती की, कारचा एक भाग अक्षरश: हवेत उडाला असून कारचा चक्काचूर झाला.

ऋतिक यांच्या वडिलांचेही अवघ्या दोन वर्षांपूर्वी निधन झाले होते आणि त्यांच्या मृत्यूनंतर अनुकंपा तत्त्वार ऋतिक यांना महाराष्ट्र पोलीस दलात नोकरी मिळाली होती. सध्याच्या स्थितीला ते श्रीवर्धन ठाण्यात सेवा बजावत होते. त्यात धक्कादायक गोष्ट म्हणजे ऋतिक यांचे काही महिन्यापूर्वी लग्न झाले असून त्यांची पत्नीही गरोदर होती. नव्या बाळाचे तोंड पाहण्यापूर्वीच वडिलांनी जगाचा निरोप घेतल्याने प्रत्येकजण हळहळला आहे.