Live In Relationship : सोशल मीडियावरील जग फार विचित्र आहे. या मंचावर आल्याने कधीकधी एखाद्या व्यक्तीचं नशीबच बदलून जातं. तर कधीकधी एखाद्या व्यक्तीसोबत खूप मोठा दगाफटका होतो. सध्या तर एक अजब प्रकार समोर आला आहे. फेसबुक आणि इन्स्टाग्रामवर ओळख झाल्यानंतर एक धक्कादायक असे हत्याकांड घडून आले आहे. सोशल मीडियावर झालेली ओळख नंतर प्रेमात बदलली. परंतु आपण ज्या मुलीवर प्रेम करतोय, ती मुलगी नसून चक्क मुलगा असल्याचे समजल्यानंतर आरोपीने आपल्याच लिव्ह इन पार्टनला मृत्यूच्या खाईत लोटलं आहे. ही घटना समोर आल्यानंतर एकच खळबळ उडाली आहे.
नेमकं काय घडलं?
मिळालेल्या माहितीनुसार समोर आलेली ही घटना गुजरातमधील राजकोट येथील शापर वेरावल या भागातील आहे. खुनाची ही घटना घडण्याआधी पीयुष नावाच्या 20 वर्षीय तरुणाची सोशल मीडियावर पूनम नावाच्या एका मुलीशी ओळख झाली होती. इन्स्टाग्रावर चंदन कुमार हा स्वत:ला मुलगी असल्याचे सांगत पूनम या नावाने पीयुषच्या संपर्कात आला. मी एक मुलगी असल्याचे सांगत त्याने पीयुषचा विश्वास संपादन केला आणि त्याच्यासोबत जवळीक निर्माण केली. मला एक मुलगी बोलत असल्याचे समजून पीयुष प्रेमात बुडाला.
दाढी करताना पाहिले अन्…
दोघांमध्येही जवळीक निर्माण झाल्यानंतर ते लिव्ह ईन रिलेशनशीमध्ये धार्मिक कारण देत चंदन पीयुषला शारीरिक संबंध ठेवण्यास नकार देत असे. ही बाब मान्य करून पीयुषदेखील त्याच्यासोबत राहू लागला. पती-पत्नीप्रमाणे ते दोघे राहू लागले. परंतु एख दिवस पीयुषने चंदनला दाढीवरचे केस काढताना पाहिले. त्यानंतर मात्र पीयुषच्या पायाखालची जमीनच सरकली.
हत्या करून मृतदेह रेल्वे स्टेनशनच्या बाजूला टाकला
ही बाब समोर आल्यानंतर पीयुष चंदनपासून दूर राहू लागला. चंदन मात्र पीयुषचा पाठलाग करू लागला. पीयूष जिथे कामावर जाई त्याच ठिकाणी चंदनही पोहोचत असे. याचाच राग आल्याने 25 जून रोजी शापर वेरावल येथे पीयुषने चंदनची डोक्यावर दगड घालून हत्या केली. कोणालाही समजू नये म्हणून चंदनचा मृतदेह रेल्वे स्थानकाच्या परिसरात टाकून दिला. पोलिसांनी तपास केल्यानंतर मात्र हा सर्व प्रकार समोर आला आहे. पीयुषने चंदनची हत्या केल्याचं कबुल केलं आहे.
