देश हादरवून टाकणाऱ्या नाशिकच्या भोंदूबाबा अशोक खरात याच्या काळ्या कृत्यांवर ‘महाराष्ट्र एपस्टीन फाईल्स’नावाचा सिनेमा येऊ घातलाय. या चित्रपटाचे लवकरच शुटींग सुरु होणार असून या चित्रपटात मराठी अभिनेत्री दीपाली सय्यद यांची महत्वाची भूमिका करणार आहेत. आपण या चित्रपटात काम करु नये अशा आपल्याला फोनवरुन धमक्या आल्याचे दीपाली सय्यद यांनी मागे म्हटले होते. आता राष्ट्रवादीच्या नेत्या रुपाली ठोंबरे पाटील या दीपाली यांच्या बचावासाठी पुढे आल्या असून त्यांनी दीपाली सय्यद यांना तुम्ही बिनधास्त चित्रपटात काम करा, आम्ही तुमच्यासोबत आहोत असेही पाटील यांनी म्हटले आहे.
नाशिकच्या भोंदूबाबा अशोक खरात याच्या लैंगिक अत्याचारावर ‘महाराष्ट्र एपस्टीन फाईल्स’नावाचा सिनेमा दिग्दर्शक स्वरूप बी सावंत काढत आहेत. या मराठी अभिनेत्री दीपाली सय्यद यांनी राष्ट्रवादीच्या नेत्या रुपाली चाकणकर यांची भूमिका करणार आहेत असे म्हटले जात आहे. मराठी अभिनेत्री दीपाली सय्यद यांनी मला ही भूमिका न करण्यासाठी मोबाईलवरुन धमक्या आल्याचे म्हटले आहे. या प्रकरणात आता राष्ट्रवादीच्या नेत्या रुपाली ठोंबरे-पाटील यांनी अभिनेत्री दीपाली सय्यद यांना फोन करुन दिलासा दिला आहे.
त्या घाबरणाऱ्या नाहीत…
रुपाली चाकणकर यांनी या संदर्भात बोलताना सांगितले की ‘महाराष्ट्राची एपस्टीन फाईल्स’ चित्रपटात रूपाली चाकणकर यांची भूमिका अभिनेत्री दिपाली सय्यद या करणार आहेत. त्यांना आपण फोन करून आश्वासन दिले आहे की आम्ही तुमच्या सोबत आहोत तुम्ही घाबरू नका असा दिलासा दिल्याचे त्या म्हणाल्या. अशोक खरात याचे भक्त असलेले आणि ओष्णोजल प्यायलेले लोक अभिनेत्री दिपाली सय्यद यांना फोन करून धमक्या देत आहेत. कलाकाराचं काम आहे अभिनय करण्याचं. तुम्ही त्यांना धमक्या देता, त्यातूनच तुमची कृती दिसून येते. आम्ही अभिनेत्री दिपाली सय्यद यांच्यासोबत आहोत. दिपाली सय्यद या उत्तम अभिनेत्री असून त्या घाबरणाऱ्या नाहीत असेही रुपाली ठोंबरे – पाटील यांनी म्हटले आहे.
