पुणे येथील रिअल इस्टेट एजंट केतन अग्रवाल याच्या हत्येचा तपासात एकापाठोपाठ महत्वाची माहिती मिळत आहे. केतन अग्रवाल याला सिया गोयल या आपल्या होणाऱ्या पत्नीचा एक बॉयफ्रेंड असल्याचा संशय आला होता असे तपासात उघड झाले आहे. केतन याने त्याच्या आई-वडीलांकडे या संदर्भात चर्चा देखील केली होती. तुम्ही लग्न ठरवण्याआधी सियाची पार्श्वभूमी नीट तपासली होती का असा सवाल केतन याने आई-वडीलांना केला होता.
केतन आणि सिया याचं लग्न या वर्षी नोव्हेंबरात होणार होते. परंतू पोलिसाच्या तपासानुसार लग्नाच्या आधी नात्यात तणाव निर्माण झाला होता. पोलिसांच्या केस नुसार केतन याची हत्या १८ जून रोजी लोहगडावरुन दरीत ढकलून केली होती. सिया गोयल ( २० ) आणि तिचा प्रेमी चेतन चौधरी ( २२) यांनी डोंगरावरुन धक्का मारुन खाली पाडले. या प्रकरणात पोलिसांनी दोन्ही आरोपींना अटक झाली आहे.
सिया आणि चेतन यांना ३ जुलैपर्यंत पोलिस कोठडीत पाठवण्यात आले आहे. केतन याचे वडील विशाल अग्रवाल यांनी त्यांच्या तक्रारीत सांगितले की त्यांच्या मुलाने अनेकदा सिया आणि चेतनच्या जवळीकीने चिंता व्यक्त केली होती. त्याचे म्हणणे असे होते की सिया नेहमी बोलताना चेतनचे नाव घेते. केतन हेही जाणवले होते की जेव्हा तो सियाला फोन करायचा तेव्हा सिया हीचा फोन अनेकदा बिझी असायचा.
पोलिसांच्या तपासात आढळले की सिया आणि केतन यांच्या लग्नाच्या आधी त्यांनी इंडोनेशियातील बाली येथे एका ट्रीपचे आयोजन केले होते. सिया हीला या सहलीला जायचे नसल्याने तिने त्याचा पासपोर्ट गहाळ केला. ६ जूनची ही सहल रद्द झाल्यानंतर केतन त्याच्या वडीलांकडे गेला. सिया छोट्या -छोट्या गोष्टींवरुन भांडते अशी तक्रार केली. तेव्हा त्याच्या वडीलांनी ती वयाने तुझ्यापेक्षा लहान आहे.यामुळे ती असे वागत असेल..
१४ जूनलाही केतनला ढकल्याचा प्रयत्न
केतनच्या वडिलांनी त्याला आश्वस्थ केले होते की सिया हीचे चांगले काऊन्सिंग करु. हत्येचा चार दिवस आधी १४ जूनला देखील केतन आणि सिया लोहगडला गेले होते. हीच तिच जागा होती जेथे १८ रोजी केतनला दोघांनी दरीत ढकलल्याने त्याचा मृत्यू झाला होता. १४ जून रोजी देखील सियाने केतनला डोंगरावरुन ढकल्याचा प्रयत्न केला होता. त्यावेळी झाडांना पकडल्याने केतन वाचला होता. केतनने आश्चर्यचकीत होत त्याच्याकडे पाहिले तर सियाने येथे साप दिसल्याने आपण घाबरल्याने असे झाल्याचा दावा केला.
पोलिसांच्या मते केतनला सियाचा संशय आला होता. सियाचे कोणा बरोबर तरी अफेअर सरु असल्याची कुणकुण त्याला लागली होती. मात्र कुटुंबियांनी त्याला समजावले की चिंता करुन नको सियाचे कुटुंब चांगले ओळखीचे आहे. केतन आणि सिया यांची भेट मॅचमेकिंगद्वारे झाली होती. दोन्ही कुटुंबांच्या कॉमन नातेवाईकाने हे नातं ठरवले होते. फेब्रुवारीत पुण्याच्या शानदार हॉटेलात दोघांचा साखरपुढा झाला होता.
