काय पोलीस बनणार तुम्ही? देवीचा मुकुट 12 जूनला शोधून परत दिला अन् त्याच रात्री चोरांनी चोरून नेला! | पुणे बातम्या (Pune News)

तळेगाव : पुणे जिल्ह्यांमध्ये चोरी, खून आणि गोळीबाराच्या घटना काही केल्या कमी होत नाही. त्यामुळे पोलिसांचा धाक आहे की नाही, असा प्रश्न कायम उपस्थितीत झाला पण, असा प्रश्न विचारूनही पोलीस प्रशासनाला काहीच फरक पडत नाही. आता तर पोलिसांचीच चोरट्याने उघडपणे थट्टा उडवली आहे. तळेगाव दाभाडे भागातील तुळजाभवानी मंदिरामध्ये मुकुट चोरीला गेला होता. पोलिसांनी तो शोधूनही आणला. पण, पुन्हा २४ तासांमध्ये चोरट्याने मुकुट चोरून पोलिसांनाच वाकुल्या दाखवल्या आहे.

मिळालेल्या माहितीनुसार,  पुणे जिल्ह्यातील मावळ तालुक्यातील तळेगाव दाभाडे पोलिसांनी २० दिवसा पूर्वी चोरी गेलेला चांदीचा मुकुट देवीला परिधान केला होता. पण त्याच  रात्री चोरट्यांनी पुन्हा तोचं चांदीचा मुकुट लंपास केला. त्यामुळे चोरट्यांमध्ये कायद्याचा धाक उरलाय की नाही असा प्रश्न निर्माण झालाय.

आता महिन्याभरात दोनदा एकाच मंदिरात झालेल्या चोरीच्या घटनेनं तळेगावकर भयभीत झाले आहेत. मंदिरात लावलेल्या सीसीटीव्ही फुटेजच्या आधारे पोलीस या संपूर्ण घटनेतील ३ चोरांचा शोध घेत आहेत. आता पोलीस मुकुट शोधून आणतील का, असा सवाल उपस्थितीत केला जात आहे.