Tilak varma : याला म्हणतात जिगरी! पुण्यातील आमदार मित्राच्या शपथविधीसाठी क्रिकेटर तिलक वर्माची विधीमंडळात खास उपस्थिती | क्रीडा बातम्या (Sports News in Marathi)

राष्ट्रवादीचे बिनविरोध आमदार विक्रम काकडे

तिलक वर्माचा हा मित्र दुसरा तिसरा कुणी नसून पुण्याचे राष्ट्रवादीचे बिनविरोध निवडून आलेले आमदार विक्रम काकडे आहेत. विक्रम काकडे आणि तिलक वर्मा खूप आधीपासून मित्र आहेत. मित्राने राजकीय करियरमध्ये आणखी एक पाऊल टाकल्याने तिलक वर्माचा आनंद गगनात मावत नव्हता. विधिमंडळात जाण्याआधी त्याने एका वृत्तवाहिनीसोबत बोलताना आनंद व्यक्त केला.

मी त्याला लहानपणापासून ओळखतो… – तिलक वर्मा

मला आज खूप छान वाटतंय की, माझा मित्र आज शपथ घेतोय. तो खूप चांगला माणूस आहे. लोकांना तो खूप मदत करतो. मी त्याला लहानपणापासून ओळखतो. मला आनंद झाला जेव्हा त्याला सीट मिळाली होती, मला विश्वास आहे की, तो देशासाठी आणि लोकांसाठी काहीतरी करून दाखवेल. तो त्याच्या क्षेत्रात प्रामाणिकपणे काम करत आहे मी माझा क्षेत्रात प्रामाणिकपणे काम करत आहे, असंही तिलक वर्मा यावेळी म्हणाला.ॉ

श्रीलंका सेंच्युरी – तेलंगाना सेंच्युरी – मुंबई शपथविधी…

दरम्यान, तुम्हाला माहिती असेल तर परवा दिवशी तिलक वर्मा श्रीलंकेत होता. तिथं त्याने मॅच विनिंग खेळी केली अन् तो तातडीने तो काल सकाळी तेलंगानाला आला. सकाळी पोहोचल्यानंतर आराम न मिळता त्याला रात्री मॅच खेळावी लागली. तिलकने मॅचच खेळली नाही तर 56 बॉलमध्ये 136 धावांची खेळी केली. काल मॅच जिंकली नाही तोपर्यंत तो तातडीने मुंबईला रवाना झाला अन् आज मित्राच्या शपथिविधीसाठी उपलब्ध होता.