नवी दिल्ली: दिल्लीतील जंतर-मंतर येथे गेल्या २० दिवसांपासून उपोषणाला बसलेले प्रसिद्ध शिक्षणतज्ज्ञ सोनम वांगचुक यांच्यावर पोलिसांनी आज (शनिवारी १८ जुलै) सकाळी जबरदस्तीने कारवाई करत त्यांना आंदोलनस्थळावरून हटवले. वांगचुक यांची प्रकृती खालावल्यामुळे त्यांना तातडीने रुग्णालयात नेण्यात आल्याची माहिती समोर आली आहे. दरम्यान, या संपूर्ण प्रकरणावर आता त्यांची पत्नी गीतांजली जे. अंग्मो (Sonam Wangchuk Wife Gitanjali Angmo) यांची पहिली प्रतिक्रिया आली आहे.(Sonam Wangchuk Wife Gitanjali Angmo)
Sonam Wangchuk Wife Gitanjali Angmo: पारदर्शकतेच्या अभावामुळे मला या विश्वासाचा प्रश्न
“मला सांगा, काल संध्याकाळीच सफदरजंगच्या डॉक्टरांनी त्यांची तपासणी केली होती आणि त्यांचे सर्व वाइटल्स (आरोग्याची लक्षणे) नॉर्मल होते, तसेच संध्याकाळी सव्वापाच वाजता त्यांचे पोटॅशियम ४.३ होते. पण आता ते आम्हाला सांगत आहेत की पोटॅशियम २.९ झाले असून ते जीवघेणे (लाइफ थ्रेटनिंग) आहे. पण जेव्हा आम्ही त्यांना रिपोर्ट दाखवण्यास सांगितले, कारण रिपोर्ट पाहिल्याशिवाय आम्ही त्यांना काहीही देऊ इच्छित नाही. मी स्पष्टपणे सांगितले आहे की माझ्या परवानगीशिवाय त्यांना तोंडावाटे (ओरल) किंवा नसेतून (इन्ट्राव्हेनस) काहीही दिले जाणार नाही आणि जे काही दिले जाईल, ते रिपोर्टच्या आधारावरच दिले जाईल. ते आम्हाला तो रिपोर्ट दाखवत तर आहेत ज्यामध्ये पोटॅशियम २.९ आहे, पण तो रिपोर्ट आमच्याकडे देत नाही आहेत. त्यामुळे या पारदर्शकतेच्या अभावामुळे मला या विश्वासाचा प्रश्न निर्माण होत आहे आणि मुख्य म्हणजे, जर हा केवळ वैद्यकीय मुद्दा होता, तर मग इथे इतकी पोलीस काय करत आहेत? आणि दुसरी गोष्ट म्हणजे, आम्हाला आमचा फोन सोनम यांच्यापर्यंत का नेऊ दिला जात नाहीये? त्यामुळे हे सफदरजंग हॉस्पिटल वाटत नसून जणू सफदरजंग जेल वाटत आहे; त्या मजल्यावर इतके पोलीस तैनात आहेत आणि ज्या २.९ पोटॅशियमच्या बेसिसवर ते नसेतून पोटॅशियम देऊ इच्छित होते, ज्याला मी नकार दिला आहे, ते २.९ वैद्यकीयदृष्ट्या शक्यच नाही की एकाच संध्याकाळात ते ४.३ वरून थेट २.९ वर येईल असंही त्यांनी म्हटलं आहे.(Sonam Wangchuk Wife Gitanjali Angmo)
Sonam Wangchuk Wife Gitanjali Angmo: गेल्या २० दिवसांपासून जे आंदोलन सुरू आहे
सोनम यांचं उपोषण मोडण्याचा प्रयत्न केला जातोय? यावरती उत्तर देताना त्या म्हणाल्या की, हो, नक्कीच! हे तर त्यांच्या रूल बुकचाच (नियमपुस्तिका) एक भाग आहे. हे तर आम्हाला माहीतच होते की ते असा प्रयत्न करतील. वास्तविक पाहता, गेल्या २० दिवसांपासून जे आंदोलन सुरू आहे, ते देशात एक उदाहरण आहे. ज्या तरुणाईबद्दल इतकं वाईट-साईट बोललं जात होतं, त्याच तरुणाईने दाखवून दिलं आहे की किती शांततापूर्ण आंदोलनाने आणि योग्य मार्गाने आपण आपल्या मागण्या पुढे मांडू शकतो. हे आंदोलन इतक्या चांगल्या पद्धतीने केले जात आहे आणि म्हणूनच सोनम वांगचुक याच्याशी अगदी मनापासून (ऑरगॅनिकली) जोडले गेले; कारण त्यांना तरुणांची ही मागणी अगदी योग्य वाटत होती. शिक्षणासाठी, शिक्षणातील पारदर्शकतेसाठी आणि परीक्षांसाठी तरुण जी मागणी करत आहेत, ज्यावर त्यांचे भविष्य अवलंबून आहे, ती मागणी पूर्णपणे योग्य आहे. हे जे यूथ मुव्हमेंट (तरुणांचे आंदोलन) चालले होते, त्यासोबत ते म्हणूनच जोडले गेले जेणेकरून चुकीचे लोक याचा गैरवापर करणार नाहीत. जर ते या आंदोलनासोबत राहतील, तर ते या मुव्हमेंटला मार्गदर्शन करू शकतात आणि तेच आपण पाहिले की गेल्या २० दिवसांत, जसे सोनम आधी उपोषण करत आले आहेत, शांततापूर्ण मार्गाने, कोणालाही त्रास न देता तसेच हे चालले आहे. त्यामुळे सोमवारची जी यात्रा आहे, ती रोखण्यासाठी यांच्याकडे कोणतेही कारण नाही. पण त्यांना ठाऊक आहे की सोमवारच्या सकाळी जी यात्रा निघणार आहे, ती फक्त दिल्लीतच निघणार नाही, तर ती संपूर्ण देशात निघेल; कारण प्रत्येक शहर त्याच वेळी ती यात्रा करण्याचे नियोजन करत आहे असंही त्या म्हणाल्या आहेत. (Sonam Wangchuk Wife Gitanjali Angmo)
Sonam Wangchuk Wife : आम्ही त्यांना कोणतीही औषधं देण्यापूर्वी एका थर्ड पार्टी लॅबमधून…
सोनम यांच्या तब्येतीबद्दल सांगायचे तर, मला नाही वाटत की त्यांची तब्येत खराब आहे, त्यांची तब्येत पूर्णपणे ठीक आहे. आम्ही त्यांना कोणतीही औषधं देण्यापूर्वी एका थर्ड पार्टी लॅबमधून ती टेस्ट पुन्हा करून घेणार आहोत. ते पूर्णपणे ठीक होतील आणि या यात्रेसाठी तयार असतील. हे आंदोलन बाकीच्या मुलांनी, ज्यात अभिजीतचा समावेश आहे, सुरूच ठेवले आहे. जर सोनम या यात्रेत सहभागी होऊ शकले नाहीत, तरीही मी त्यांचे प्रतिनिधित्व करत या यात्रेचे नेतृत्व करेन आणि सोमवारी जे नियोजन आहे ते तसेच होईल. सोनम यांना तिथून जबरदस्तीने आणून ते हे आंदोलन थांबवू शकतात, असे अजिबात नाही असंही त्यांनी म्हटलं आहे.
Sonam Wangchuk Wife Gitanjali Angmo: या वेळी मला तशी कोणतीही शक्यता वाटत नाही…
सोनम वांगियाल जी जे त्यांचे वडील आहेत, त्यांनीही उपोषण केले होते, तेव्हा त्यावेळच्या पंतप्रधान इंदिरा गांधी यांनी त्यांचे उपोषण सोडवले होते. मग आता असं होऊ शकतं का की? पंतप्रधान मोदीजी किंवा एखादा मोठा नेता येऊन त्यांचे उपोषण सोडवेल? यावरती उत्तर देताना त्या म्हणाल्या की, तो काळ वेगळा होता आणि आताचा काळ वेगळा आहे. आपण पाहिले आहे की कशा प्रकारे सर्व सरकारी संस्था मोडीत निघाल्या आहेत, त्यांची जी प्रतिष्ठा (स्टेचर) होती ती आता राहिलेली नाही. नुकतीच मी सुप्रीम कोर्टात सोनम यांना बाहेर काढण्यासाठी जी मोहीम चालवली होती, त्यातून हे कळून चुकले आहे की आपली न्यायव्यवस्था (ज्युडिशियरी) कॉम्प्रोमाईज्ड (तडजोड केलेली) आहे. आपली पोलीस यंत्रणा तर कॉम्प्रोमाईज्ड आहेच, आणि आपली मीडिया देखील बऱ्याच अंशी कॉम्प्रोमाईज्ड आहे. परंतु, सोनम यांचे जे गेल्या ३० वर्षांचे काम आणि तपस्या राहिली आहे, त्यामुळे लोकांच्या मनात त्यांच्याबद्दल इतका आदर आणि प्रेम आहे की, मग ती न्यायव्यवस्था असो, पोलीस असो, मीडिया असो वा कार्यपालिका असो, ते सरकारच्या दबावाखाली काहीही करत असले, तरी प्रत्येकाच्या विवेकबुद्धीमध्ये या मुव्हमेंटला मदत करण्याचीच भावना असते आणि म्हणूनच हे आंदोलन आज इथपर्यंत पोहोचले आहे. होय, त्या वेळी त्यांचे उपोषण सोडवले गेले होते, पण या वेळी मला तशी कोणतीही शक्यता वाटत नाही.
२० तारखेला जाणे कन्फर्म आहे ना या वेळी? यावरती त्या म्हणाल्या की, होय, कारण शेवटी शिक्षण पद्धती बदलणे हे कार्यपालिका, सत्ता आणि धोरणकर्त्यांचे (पॉलिसी मेकर्स) काम आहे. आणि आमचे काम त्यांच्यापर्यंत ही गोष्ट पोहोचवणे आहे की ही सिस्टीम पूर्णपणे कोलमडली आहे. याच्या जोरावर आपण ‘विश्वगुरु’ बनू शकत नाही. आपल्या देशातील इयत्ता आठवीपर्यंतच्या प्रत्येक मुलाला समान शिक्षण मिळाले पाहिजे.”
Jain Muni Nilesh Chandra : उद्धव ठाकरेंच्या रामरक्षा आंदोलनावर जैन मुनी निलेशचंद्रांनी डिवचलं; म्हणाले, ‘त्यांना वाचता आलं नाही; कुराण द्यायला पाहिजे…’
