Last Updated:
देशात एक असे चमत्कारी आणि अनोखे शिवमंदिर आहे, जिथे महादेवाला जल अर्पण करण्यास सक्त मनाई आहे. कुठे आहे हे मंदिर आणि का जलाभिषेक करण्यास आहे मनाई जाणून घ्या.
Secrets Of Temple : हिंदू धर्मात भगवान शिव यांच्या पूजेला आणि विशेषतः ‘जलाभिषेकाला’ विशेष महत्त्व आहे. महाशिवरात्री असो वा श्रावण महिना, शिवभक्त महादेवाच्या पिंडीवर मोठ्या श्रद्धेने जल आणि दुधाचा अभिषेक करतात. मात्र, आपल्या देशात एक असे चमत्कारी आणि अनोखे शिवमंदिर आहे, जिथे महादेवाला जल अर्पण करण्यास सक्त मनाई आहे. जर एखाद्या भक्ताने चुकूनही शिवलिंगावर पाणी चढवले, तर ते शास्त्राच्या आणि परंपरेच्या विरुद्ध मानले जाते. भगवान शिवाला प्रसन्न करण्यासाठी शिवलिंगाची पूजा केली जाते. असे म्हटले जाते की, केवळ पाणी अर्पण केल्याने भगवान शिव हे एकमेव देवता आहेत जे लगेच प्रसन्न होतात. शिवलिंगावर पाणी अर्पण करणे अत्यंत शुभ मानले जाते, पण तुम्हाला माहित आहे का की देशात असं एक मंदिर आहे जिथे शिवलिंगावर पाणी अर्पण करण्यास सक्त मनाई आहे? उत्तराखंडच्या देवभूमीत ऋषिकेश जवळील टिहरी गढवाल येथे स्थित ‘श्री सच्चा अखिलेश्वर महादेव मंदिर’ या अद्भूत नियमासाठी जगभर प्रसिद्ध आहे.
श्री सच्चा अखिलेश्वर महादेव मंदिर हे उत्तराखंडमधील ऋषिकेश जवळील प्रसिद्ध लक्ष्मण झुला आणि तपोवन परिसरात गढवाल डोंगररांगांच्या कुशीत अत्यंत निसर्गरम्य ठिकाणी वसलेले आहे. या मंदिराची स्थापना 1990 च्या दशकात महान संत श्री सच्चा बाबा यांच्या स्मृतीप्रित्यर्थ करण्यात आली होती. या मंदिराचे मुख्य आकर्षण म्हणजे एकाच अखंड शिळेपासून बनवलेले भव्य शिवलिंग, ज्याचे वजन तब्बल 12 टन असून त्याची उंची साडे अकरा फूट आहे. या भव्य शिवलिंगावर स्वयंचलित पद्धतीने 24 तास जलाभिषेक सुरू असतो. मात्र, याच गर्भगृहात एक असे विशेष शिवलिंग देखील आहे, जिथे सामान्य भक्तांना जल अर्पण करण्यास सक्त मनाई करण्यात आली आहे.
श्री सच्चा अखिलेश्वर मंदिरातील शिवलिंगाची स्थापना नाग साधूंनी केली. अनेक वर्षांपूर्वी, मंदिराच्या बांधकामादरम्यान, येथे 11.5 फूट उंचीच्या शिवलिंगाची स्थापना करण्यात आली होती. जगाच्या कल्याणासाठी नाग साधूंना पाऱ्याच्या शिवलिंगाची स्थापना करण्यास सांगितले गेले. त्यानंतर बाबा 1009 भगतजी महाराजांनी 11.5 फूट उंचीच्या शिवलिंगाच्या शेजारी पाऱ्याच्या शिवलिंगाची स्थापना केली. नाग साधूंनी आपल्या तपश्चर्येने पारा घनीभूत करून शिवलिंगाची स्थापना केली. याच पाऱ्याच्या शिवलिंगावर पाणी वाहण्यास पूर्णपणे बंदी आहे, कारण पाऱ्यावर सतत पाणी टाकल्यास त्याची रासायनिक आणि आध्यात्मिक ऊर्जा प्रभावित होऊ शकते. येथे भक्त केवळ फुले वाहूनच पूजा करू शकतात.
श्री सच्चा अखिलेश्वर महादेव मंदिरात दैनंदिन पूजेव्यतिरिक्त दर 15 दिवसांनी एक अत्यंत भव्य आणि विशेष ‘महापूजा’ आयोजित केली जाते. ही महापूजा प्रामुख्याने प्रदोष व्रत किंवा एकादशीच्या तिथीला केली जाते. या दिवशी महादेवाचा भांग, चंदन, सुकामेवा आणि दुर्मिळ फुलांनी अद्भूत शृंगार केला जातो. ही महापूजा पाहण्यासाठी आणि महादेवाचे हे अनोखे रूप डोळ्यात साठवण्यासाठी देशभरातून हजारो भाविक ऋषिकेशमध्ये गर्दी करतात. असे मानले जाते की, या 15 दिवसांच्या महापूजेमध्ये सहभागी होणाऱ्या भक्तांच्या सर्व मनोकामना महादेव त्वरित पूर्ण करतात.
टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)
Mumbai,Maharashtra
