Sai Tamhankar praises Prajakta Mali:जागतिक स्तरावर प्रतिष्ठित मानल्या जाणाऱ्या कान चित्रपट महोत्सवात वेगवेगळ्या देशांतील मान्यवर सेलिब्रिटी उपस्थिती दर्शवतात. यंदा मराठी भाषा आणि मनोरंजनसृष्टीचं प्रतिनिधित्व करण्यासाठी काही कलाकार महोत्सवात सहभागी झाले.
कान चित्रपट महोत्सवाविषयी का सध्या खूप बोललं जातंय. तिथल्या रेड कार्पेटवर अवतरलेले हॉलिवूडचे सेलिब्रिटी चर्चेत असतातच. पण यावेळी काही मराठी कलाकारांनीही जगाचं लक्ष वेधून घेतलं. विशेषतः अभिनेत्री प्राजक्ता माळी हिच्या रेड कार्पेटवरील पेहरावाची खूप चर्चा झाली. पारंपरिक पेहरावाला आधुनिक टच देत तिनं प्रयोग केला. त्याचं काहींनी कौतुक केलं, तर काहींनी टीका केली. या साऱ्याबाबत अभिनेत्री सई ताम्हणकर हिनं तिचं मत मोकळेपणानं ‘मुंटा’कडे व्यक्त केलं आहे. प्राजक्ताचा अभिमान वाटत असल्याचं तिनं यावेळी स्पष्टपणे सांगितलं.
‘मला प्राजक्ता माळी हिचा अभिमान वाटतो. तिनं ज्या ग्रेसनं ‘कान’च्या रेड कार्पेटवर स्वतःला सादर केलं ते मला खूप आवडलं. पण काही जणांना ते खूप झोंबलं. एका अर्थी मला हे चांगलं वाटतं, कारण याचा अर्थ तिच्याकडे खूप जणांचं लक्ष होतं. खरं तर काय परिधान करावं आणि काय नाही; हा ज्याचा-त्याचा प्रश्न आहे. काहीही झालं तरी, लोक बोलणारच आहेत. म्हणजे तुम्ही तिथे गेलात तरी आणि नाही गेलात तरी, चर्चा होऊ शकते. पण आपण का इतक्या तक्रारी करायच्या? त्यापेक्षा ते-ते क्षण साजरे करायला हवेत’, असं सई म्हणाली.
Rakhi Sawant : ‘मला किस करायचं त्याने आधीच ठरवलेलं’ मिका सिंगसोबतच्या वादग्रस्त प्रकरणावर राखी सावंतचा दावा
अभिनयासह स्टाइल आणि फॅशनसाठीही सईचं नेहमी कौतुक होतं. नवनवीन प्रयोग करत ती फोटोशूटही करत असते. त्यामुळे ग्लॅमरस सई कानच्या रेड कार्पेटवर कधी दिसणार, असं विचारलं असता ती म्हणाली, ‘मी कान महोत्सवाला कधी गेले, तर मला माझ्या एखाद्या चित्रपटाच्या सादरीकरणासाठी जायला आवडेल. वैविध्यपूर्ण पेहराव परिधान करत प्रयोगशील फोटोशूट करणं हा माझ्या कामाचा एक भाग आहे. मी माझ्या कामाप्रमाणे फोटोशूटचाही तितकाच आनंद घेते. काहींना ते आवडतं, तर काहींना खर्चिक वाटतं; याबद्दल प्रत्येकाची मतं वेगवेगळी असू शकतात. खऱ्या आयुष्यातही मला प्रयोग करण्याची भीती वाटत नाही. त्यामुळेच ते माझं काम, स्टायलिंग आणि फोटोशूट यामध्ये उतरत असेल आणि म्हणूनच ते अधिक उठून दिसत असेल.’
दरम्यान, अभिनेत्री प्राजक्ता माळीच नव्हे तर ज्येष्ठ अभिनेते अशोक सराफ, ज्येष्ठ अभिनेत्री निवेदिता सराफ, लोकप्रिय आणि प्रसिद्ध कन्टेंट क्रिएटर अंकिता प्रभूवालावलकर या कलावंतांच्या उपस्थितीनं कानच्या ग्लॅमरस रेड कार्पेटवर ‘मराठी’पण झळकलं. निवेदिता यांनी आकर्षक रंगाची भरजरी साडी, अप्रतिम दागिने परिधान केले होते. अशोक सराफ यांचं रेड कार्पेटवरील येणं हेच प्रत्येक मराठी मनासाठी अभिमानास्पद होतं. नऊवारीला आधुनिक टच देत प्राजक्ता ग्लॅमरस रूपात रेड कार्पेटवर अवतरली. तर अंकितानं महाराष्ट्राची शान असलेली पैठणी अनोख्या स्टाइलने परिधान करत लक्ष वेधून घेतलं.
लेखकाबद्दलभाग्यश्री रसाळ“भाग्यश्री चंद्रकांत रसाळ, महाराष्ट्र टाइम्स ऑनलाइनमध्ये प्रिन्सिपल डिजिटल कंटेंट प्रोड्युसर या पदावर कार्यरत आहे. दोन महिन्यांसाठी इंटर्न म्हणून इथे सुरू झालेला हा त्यांचा प्रवास हा प्रिन्सिपल डिजिटल कंटेंट प्रोड्युसर या पदापर्यंत पोहोचला आहे. या नऊ वर्षांच्या करिअरमध्ये त्यांनी कॉपी एडिटर, सिनिअर कॉपी एडिटर, डिजिटल कंटेंट प्रोड्युसर, सिनिअर डिजिटल कंटेंट प्रोड्युसर या वेगवेगळ्या पदांवर केले.
जनरल बातम्यांसोबत त्यांचा सुरू झालेला हा प्रवास लाइफस्टाइल, ऑटो, टेक अशा बातम्यांसोबत आता मनोरंजन क्षेत्रातल्या बातम्यांपर्यंत आला आहे. डिजिटल प्लॅटफॉर्मवर वाचकांची नस ओळखून आशय म्हणजेच कंटेंट तयार करण्यात हातखंडा आहे.
गेल्या तीन वर्षापासून मनोरंजन टीम हाताळताना या क्षेत्रातल्या बऱ्याच गोष्टी त्यांना नव्याने शिकता आल्या. तसेच टीममधील इतरांसोबत ते अनुभव शेअर करता आले. या अनुभवांच्या जोरावर काम करतना त्यातून सर्वोत्तम निकालही त्यांना मिळवता आला. डिजिटल क्षेत्रात काम करताना प्रेक्षकांची दिशाभूल न करता पेज व्ह्यूज, युझर्सच्या स्पर्धेतही टिकून राहत राहण्यात त्यांचं विशेष कौशल्य आहे. या क्षेत्रातील नवनवीन गोष्टी, रंजकपणे वाचकांना समजेल अशा सोप्या भाषेत पोहोचवण्यासीठी त्या प्रयत्नशील असतात. त्यांनी सिनेइंडस्ट्रीतल्या फिल्मफेअर, मटा सन्मान यांसारख्या मानाच्या पुरस्कार सोहळ्यांचे लाइव्ह डिजिटल वार्तांकन केले आहे.
विविध विषयांवरच्या बातम्यांच्या लिखाणासोबतच सोशल मिडिया सांभाळण्याचा अनुभव.डिजिटल दिवाळी अंक, महिला दिन विशेष कव्हरेजमध्ये सहभाग. केंद्रीय अर्थसंकल्प, सेलिब्रिटींचे निधन अशा काळत सोशल मीडिया एकहाती हाताळण्याचा अनुभव. कामाची घेत दखल संस्थेअंतर्गतील वेगवेगळ्या तीन पुरस्कारांनी गौरव. काम करत असतानाच संस्थेअंतर्गत काही कौशल्य कोर्सेसही पूर्ण केले. यात फोटो शॉपसह इतक सॉफ्टवेअर शिकण्याची संधी मिळाली.त्यांनी केवळ मनोरंजनच नव्हे, तर ‘आईपणाचं डिप्रेशन’ (Postpartum Depression) यांसारख्या गंभीर आणि संवेदनशील सामाजिक विषयांवरही ब्लॉग लेखन केलं, ज्याला वाचकांचा मोठा प्रतिसाद मिळाला होता.
पुरस्कार आणि गौरव
त्यांच्या कामाची दखल घेऊन त्यांना आतापर्यंत संस्थेअंतर्गत तीन पुरस्कारांनी गौरवण्यात आले आहे.
शैक्षणिक पात्रता
SNDT विद्यापिठातून बॅचलर ऑफ मास मिडिया पूर्ण केले आहे. या काळात मनोरंजन क्षेत्राशी जवळून ओळख झाली. आणि नंतर मुंबई विद्यापिठातून पत्रकारिता विषयात पदव्युत्तर पदवी संपादन केली.
आजच्या काळात जेव्हा माहितीचा ओघ प्रचंड आहे, तेव्हा विश्वासार्ह आणि रंजक माहिती देण्याचे काम भाग्यश्री रसाळ पार पाडत आहेत.… आणखी वाचा
