Pune Crime: इन्स्टाग्रामवर साधला अनोळखाी व्यक्तींशी संवाद आणि सुरू झाली लैंगिक छळाची मालिका

फोटो व्हायरल करण्याची धमकी

पहिल्या प्रकरणात तक्रारदार ३७वर्षीय विवाहितेच्या तक्रारीनुसार, एका तरुणाने इन्स्टाग्रामवर ओळख करून मैत्री वाढवली. त्यानंतर ‘व्हिडिओ कॉल’वर नग्न होण्यास भाग पाडले. त्या दरम्यानचे स्क्रीनशॉट काढून ते तक्रारदार महिलेच्या मुलगा, भाऊ आणि ओळखीच्या व्यक्तींना व्हॉट्सअॅपवर शेअर करण्यात आले. आरोपीने वेळोवेळी शरीरसंबंधाची मागणी केली आणि पैसे न दिल्यास फोटो व्हायरल करण्याची धमकी दिली. अखेर, त्याने नग्न छायाचित्रही व्हायरल केले. या प्रकरणी भारती विद्यापीठ पोलिस ठाण्यात गुन्हा दाखल करण्यात आला आहे. ही घटना एप्रिल २०२४पासून एक जुलै २०२५ दरम्यान घडली.
Pune Crime : दौंडमध्ये वारकऱ्यांना लुबाडलं, अल्पवयीन मुलीवर अत्याचाराचा प्रयत्न; नराधमाचा ‘चेहरा’ उघड

लग्नाचे आमिष दाखवून शारीरिक संबंध

दुसऱ्या प्रकरणात १९ वर्षीय तरुणीने दिलेल्या तक्रारीनुसार, आरोपीने इन्स्टाग्रामवर ओळख वाढवली. भेटण्याच्या बहाण्याने तिला बोलावले. त्यानंतर लग्नाचे आमिष दाखवून तिच्या संमतीशिवाय शारीरिक संबंध प्रस्थापित केले. त्याने त्याची छायाचित्रेही काढली आणि ‘व्हायरल’ करण्याची भीती दाखवून त्याने हे कृत्य केले. या प्रकरणी खराडी पोलिस ठाण्यात गुन्हा दाखल करण्यात आला आहे. पोलिसांकडून दोन्ही प्रकरणांतील आरोपींचा तपास सुरू आहे.

या दोन्ही प्रकरणांमुळे सोशल मीडियाच्या माध्यमातून ओळख वाढवून महिलांना जाळ्यात ओढण्याचे प्रकार किती गंभीर व धोका निर्माण करणारे ठरू शकतात, हे पुन्हा एकदा स्पष्ट झाले आहे. मैत्रीच्या नावाखाली मानसिक, लैंगिक छळ आणि ब्लॅकमेलिंगसारखे गुन्हे केवळ वैयक्तिक आयुष्यावरच नाही, तर मानसिक आरोग्यावरही दीर्घकालीन परिणाम करतात. या संदर्भात भारती विद्यापीठ आणि खराडी पोलिस ठाण्यांमध्ये गंभीर स्वरूपाचे गुन्हे दाखल करण्यात आले असून, पोलिसांनी तपासाला गती दिली आहे. अशा प्रकारांबाबत महिलांनी सावध राहावे, तसेच कोणतीही शंका वाटल्यास त्वरित संबंधित अधिकाऱ्यांशी संपर्क साधावा, असे आवाहनही पोलिसांकडून करण्यात आले आहे.