Director Pravin Tarde on Deool Band 2: प्रवीण तरडे (Pravin Tarde) दिग्दर्शित, लिखित आणि अभिनीत ‘देऊळ बंद 2’ (Deeol Band 2) या सिनेमाने बॉक्स ऑफिसवर धुमाकूळ घातला. या सिनेमात ज्येष्ठ कलाकार मोहन जोशी यांची मुख्य भूमिका आहे. मोहन जोशी (Mohan Joshi) आणि स्नेहल तरडे यांची मुख्य भूमिका असलेल्या या सिनेमाने 70 कोटींचा आकडा पार केला. ‘राजा शिवाजी’ या ऐतिहासिक सिनेमानंतर ‘देऊळ बंद 2’ हा सिनेमा दमदार कमाई करणारा चित्रपट ठरला. या सिनेमाला प्रेक्षकांची पसंती मिळाली. तर, काहींनी या सिनेमावर टीका केली. ‘देवावर सिनेमा तयार केला म्हणून हिट झाला’, असं काहींचं म्हणणं आहे. यावर प्रवीण तरडे यांनी प्रतिक्रिया दिली आहे.
‘द पोस्टमन’ला दिलेल्या मुलाखतीत प्रवीण तरडे यांना, ‘काही लोकांचा असा प्रश्न आहे की, मुव्ही यासाठी हिट झाला, कारण हा सिनेमा देवावर बनवण्यात आला आहे. आणि अशा देवावर हा सिनेमा तयार करण्यात आला आहे, ज्यांचं महाराष्ट्रात प्रचंड प्रस्थ आहे, असा प्रश्न विचारणाऱ्यांना प्रवीण तरडे काय सांगतील?’ या प्रश्नावर प्रवीण तरडे म्हणाले, ‘अशा वृत्तीच्या लोकांना मी काय सांगणार? मी माझ्या पॅटर्नने उत्तर दिलं पाहिजे ना.. नाहीतर मी असं म्हटलं की, नाही रे असतात काही माणसं अशी.. त्यांची देखील मतं असतात. तर, हे खोटं वाटणार की नाही? ते प्रवीण तरडेंना सूट नाही होणार’.
‘मी अशा लोकांना नाही जुमानत’ (Deool Band 2 Director on Trollers)
‘मी अशा लोकांना नाही जुमानत. अशा लोकांना झालेला त्रास पाहून मला आनंद होतो. मला काम करण्याची प्रेरणा मिळते. पुढे काय करायचं आहे, हे मला ठळकपणे कळतं. त्यामुळे अशा लोकांच्या विचारांचा त्रास कशाला करुन घ्यायचा. त्यांना घरी कुणी जुमानत नाही, म्हणून ते इथे व्यक्त होतात. जे सोशल मीडियावर निगेटिव्ह लिहिणारे असतात ना, त्यांना घरात खूप त्रास असतो. आपल्याबद्दल बोलून ते मन मोकळं करतात. आपल्याला त्याचं पुण्य मिळतं. कारण आपल्यामुळे कुणीतरी मोकळं होतं’, असं प्रवीण तरडे म्हणाले.
प्रवीण तरडे दिग्दर्शित आणि मोहन जोशी अभिनीत भक्तीपर ‘देऊळ बंद 2’ या सिनेमाने बॉक्स ऑफिसवर धुमाकूळ घातला होता. मीडिया रिपोर्ट्सनुसार, भारतीय बॉक्स ऑफिसवर या सिनेमाचे क्लोजिंग कलेक्सन 85 कोटी इतके झाले असल्याची माहिती समोर आली आहे. या सिनेमाने प्रदर्शित होताच अनेक रेकॉर्ड्स मोडले आहेत. ‘देऊळ बंद 2’ या सिनेमाने बॉक्स ऑफिसवर उत्तम कामगिरी केल्यामुळे या सिनेमाची विशेष चर्चा सुरू आहे.
महत्त्वाच्या इतर बातम्या:
‘देऊळ बंद 2’वर स्वामींची कृपा; 10 कोटी बजेटमध्ये तयार झालेल्या सिनेमानं किती प्रॉफिट कमावला?
