Mumbai : मॅनहोलमध्ये पडलेला व्यक्ती नेमका कोण, भर दिवसा नेमकं काय घडलं? समोर आली शॉकिंग माहिती | मुंबई बातम्या (Mumbai News)

मुसळधार पावसात घर गाठताना काळाचा घाला; सुरक्षेचा बोजवारा!

मॅनहोलमध्ये पडलेल्या दुर्दैवी व्यक्तीचे नाव अस्लम शेख (वय अंदाजे ४५ वर्ष) आहे. शेख हे हातावर पोट असणारे मजूर असून ते घराकडे निघाले होते. सकाळी १०:४५ च्या सुमारास त्यांचा पाय उघड्या मॅनहोलमध्ये पडला आणि ते थेट २५ फूट खोल गटारात कोसळले असल्याची माहिती समोर आली.

या भागात मुंबई महानगरपालिकेच्या (BMC) कंत्राटदाराकडून काही काम सुरू होते. काम सुरू असताना मॅनहोल उघडे ठेवण्यात आले, मात्र त्याभोवती कोणतीही सुरक्षेची यंत्रणा किंवा बॅरिकेड्स लावले नव्हते, असा गंभीर आरोप आता स्थानिक नागरिकांकडून केला जात आहे. कंत्राटदाराच्या याच जीवघेण्या निष्काळजीपणामुळे अस्लम शेख यांचा जीव आता धोक्यात आला आहे. अग्निशमन दलाचे जवान मॅनहोलमध्ये उतरून शेख यांना सुखरूप बाहेर काढण्यासाठी शर्थीचे प्रयत्न करत होते. मात्र, अपघाताच्या तीन तासानंतरही प्रयत्न करूनही अस्लम शेख यांना वाचवण्यास अपयश आले.

महापौर रितू तावडे यांनी काय म्हटले?

महापौर रितू तावडे यांनी म्हटले की,  इतक्या पावसात मॅनहोल ओपन करण्याचं कारण काय? वॉर्ड ऑफिसरलाही काम चालू होतं? याची माहिती नव्हती. ते कुठल्या खासगी कंत्राटदाराने सुरू केलं होतं याचं चौकशी केली जाईल. बॅरिकेट लावले नाहीत, वर्क ऑर्डर नसताना का चालू केलं याची चौकशी केली जाणार आहे. आम्ही अॅक्शन मोडवर आहोत अशी माहिती महापौरांनी दिली आहे.