Last Updated:
Sant Dnyaneshwar Maharaj Palkhi Warkari Accident : सासवड जेजुरी रोडवरून जात असलेल्या संत ज्ञानेश्वर महाराज यांच्या पालखीतील ट्रकचा भीषण अपघात झाल्याची माहिती समोर येत आहे. यामध्ये तीन महिलांचा जागीच मृत्यू झालाय.
Sant Dnyaneshwar Maharaj Palkhi Truck Accident : विठ्ठलाचं नामस्मरण करत पंढरपूरच्या दिशेने जात असलेल्या संत ज्ञानेश्वर माऊलीच्या पालखी सोहळ्यात मोठं विघ्न आलं आहे. सासवड–जेजुरी रस्त्यावर चालत असलेल्या वारकऱ्यांवर ट्रक गेल्याने काही वारकऱ्यांचा यात मृत्यू झाल्याची माहिती समोर आली आहे. जेजुरी जवळील बेलसर टोल नाक्यापासून जेजुरीच्या दिशेने सुमारे 500 मीटर अंतरावर, हॉटेल शिपदीप लॉजिंगसमोर एक गंभीर रस्ता अपघात झाल्याची माहिती समोर आली आहे. अशातच आता ट्रक ड्राईव्हर विषयी मोठी माहिती समोर आलीये.
तापाच्या गोळ्या घेतल्या अन् ग्लानी आली
अपघात झालेला ट्रक वारीसाठी शिधा घेऊन जात होता. ट्रकचा ड्रायव्हर 70 वर्षे वयाचा होता. गेल्या काही दिवसांपासून तो ट्रक चालवत असल्यानं ट्रक ड्राईव्हरला ताप आला होता. त्यानंतर त्याने तापाच्या गोळ्या घेतल्यानं त्याला ग्लानी आली. त्यानंतर ड्राईव्हरचा ट्रकवरील ताबा सुटला अन् ट्रक थेट पुढे चालणाऱ्या वारकऱ्यांच्या अंगावर गेला, अशी माहिती समोर आली आहे.
जेजुरी परिसरात वारकऱ्यांच्या वाहनाचा भीषण अपघात; ३ महिला वारकऱ्यांचा मृत्यू, अनेक गंभीर जखमी pic.twitter.com/5k3EEidIz9
— KDM NEWS (@amozon909) July 13, 2026
तीन महिलांचा अपघातात मृत्यू
अपघातग्रस्तांमध्ये सांगली जिल्ह्यातील कासबेडीगराज येथील दिंडीतील सात महिला वारकऱ्यांचा समावेश आहे. राजश्री शंकर भोसले, माधवी राजाराम सरवडे, नंदा पवार या तीन महिलांचा अपघातात मृत्यू झाला आहे. या अपघातानंतर उपमुख्यमंत्री सुनेत्रा पवार यांनी नुकतीच जखमींची जेजुरी ग्रामीण रुग्णालयात भेट घेतली. त्यानंतर सुनेत्रा पवार गंभीर जखमी असलेल्या महिलांना भेटण्यासाठी जेजुरी येथील खासगी रुग्णालयात देखील गेल्या अन् त्यांची विचारपूस केली. पोलिस आणि प्रशासनाचे वरिष्ठ अधिकारी घटनास्थळी दाखल झाले असून अधिकचा तपास करत आहेत.
आज सासवड–जेजुरी मार्गावर झालेली दुर्घटना अत्यंत वेदनादायी आणि मन हेलावून टाकणारी आहे. या अपघातात ज्या तीन वारकरी भगिनींचा दुर्दैवी मृत्यू झाला, त्यांना मी भावपूर्ण श्रद्धांजली अर्पण करते आणि त्यांच्या कुटुंबीयांच्या दुःखात सहभागी आहे.
जखमी वारकरी भगिनींची रुग्णालयात जाऊन भेट…— Sunetra Ajit Pawar (@SunetraA_Pawar) July 13, 2026
माऊलींच्या पालखीचं जेजुरीकडे प्रस्थान
दरम्यान, स्थानिक नागरिक आणि इतर वारकऱ्यांच्या मदतीने जखमी महिलांना तातडीने जेजुरी येथील आयसीयू रुग्णालयात उपचारासाठी दाखल करण्यात आलं. जखमींची प्रकृती चिंताजनक असल्याचे सांगण्यात येत असून डॉक्टर त्यांच्यावर शर्थीचे उपचार करत आहेत. सासवड येथील मुक्कामानंतर आज माऊलींची पालखी जेजुरीकडे प्रस्थान होती. त्याचवेळी ही दुर्घटना घडली. सांगली जिल्ह्यातील कसबे डिग्रज येथील ही दिंडी होती. या दिंडीत सांगली जिल्ह्यातील अनेक वारकरी होत्या.
Pune,Maharashtra
Jul 13, 2026 11:16 AM IST
Jejuri Warkari Accident : ताप आल्यानं ड्राईव्हरने गोळ्या खाल्ल्या अन् ग्लानी आली, जेजुरीत अपघात कसा झाला? मोठी माहिती समोर
