सोन्याचे दर आज वाढले की कमी झाले ?
Gold Rate Today In India : इराण आणि अमेरिका यांच्यातील संघर्ष पुन्हा वाढला आहे. होर्मुझजवळ अमेरिकेचे ‘अपाची’ हेलिकॉप्टर कोसळल्यानंतर, अमेरिकेने इराणमधील अनेक ठिकाणांवर मोठे हवाई हल्ले केले. याला प्रत्युत्तर म्हणून इराणनेही बहरीनमधील अमेरिकन तळांवर हल्ले केले. यामुळे युद्ध पुन्हा भडकण्याची चिन्हं दिसत असून अशांतता निर्माण झाली आहे. याचे जागतिक बाजारातही पदसाड उमटताना दिसतात. त्यातच कच्च्या तेलाच्या किमतीत झालेली घसरण, अमेरिकन डॉलरचा कमकुवतपणा आणि अमेरिकन ट्रेझरी बाँडच्या परताव्यातील (yields) घट यांमुळे आज सलग दुसऱ्या दिवशी सोन्याच्या दरात वाढ झाली. सोन्याचे दर चांगलेच वाढलेले आहेत. मात्र असं असलं तरी औद्योगिक मागणीतील मंदीमुळे चांदीवर दबाव दिसून आला. सलग दुसऱ्या दिवशी सोन्याच्या मूल्यात वाढ झाली आहे. एका दिवसाच्या घसरणीनंतर, आज 10 जून रोजी सोन्याच्या दरात सलग दुसऱ्या दिवशी वाढ झालेली दिसून आली.
गेल्या दोन दिवसांत 24 -कॅरेट सोन्याच्या दरात प्रति 10 ग्रॅममागे 1480 रुपयांनी, तर 22-कॅरेट सोन्याच्या दरात 1360 रुपयांनी वाढ झाली आहे. यापूर्वी, 8 जून रोजी 24 कॅरेट सोन्याचे दर प्रति 10 ग्रॅम 1040 रुपयांनी आणि 22-कॅरेट सोन्याचे दर 950 रुपयांनी कमी झाले होते. मात्र आज परिस्थिती वेगळी आहे. 10 जून रोजी देशाची राजधानी दिल्लीत 24-कॅरेट सोन्याच्या दरात प्रति 10 ग्रॅम 10 रुपयांनी, तर 22-कॅरेट सोन्याच्या दरातही 10 रुपयांनी वाढ झाली आहे. चांदीचा विचार करता, एका दिवसाच्या स्थिरतेनंतर आज तिच्या दरात घट झाली असून, प्रति किलो चांदीच्या दरात 100 रुपयांची घसरण झाली आहे.
देशातील प्रमुख शहरांमधील सोन्याचे दर
दिल्ली, मुंबई, चेन्नई, कोलकाता, बंगळुरूसह देशभरातील प्रमुख शहरांमध्ये 18 कॅरेट, 22 कॅरेट आणि 24 कॅरेट सोन्याचे दर किती ते जाणून घेऊया.
चांदीच्या दरात झाली घसरण
सोन्यानंतर दुसरा मौल्यवान धातू चांदीच्या दरांबाबत बोलायचं झालं तर, एका दिवस स्थिर राहिल्यानंतर आज चांदीच्या दरात घट झाली आहे. यापूर्वी, 8 जून रोजी चांदीच्या दरात प्रति किलो 5000 रुपयांची घट झाली होती; तसेच 7 जून रोजी दर स्थिर राहण्याआधीच्या दोन दिवसांत त्यात 15 हजार रुपयांची कपात झाली होती. आज दिल्लीत चांदीचा दर प्रति किलो 100 रुपयांनी कमी होऊन 2,59,900 रुपये झाला आहे. मुंबई आणि कोलकाता यांसारख्या इतर प्रमुख महानगरांमध्येही याच दराने व्यवहार होत आहेत. मात्र, चेन्नईमध्ये चांदीचा दर प्रति किलो 2,69,900पये इतका असून, या चार प्रमुख महानगरांपैकी तेथे चांदी सर्वात महाग आहे.
