6 जुलै रोज सोन्याचे आणि चांदीचे भाव किती ?
गेल्या आठवड्यात वाढणाऱ्या दरांनी भर पावसात घाम फोडल्यानंतर , नव्या आठवड्यात मात्र सोन्यामुळे वाढलेलं टेन्शन कमी झालंय. देशात सोन्याचे भाव पुन्हा एकदा कमी झाले आहेत. सोमवार, 6 जुलै रोजी सकाळी देशातील बहुतांश शहरांमध्ये २४-कॅरेट आणि २२-कॅरेट सोन्याचे दर घसरले. राजधानी दिल्लीत २४-कॅरेट सोन्याचा भाव प्रति १० ग्रॅम १,४६,८७० रुपयांपर्यंत खाली आला आहे. मात्र गेल्या आठवड्यात २४-कॅरेट सोन्याच्या दरात २,७८० रुपयांची आणि २२-कॅरेट सोन्याच्या दरात २,५५० रुपयांची वाढ झाली होती. आज आंतरराष्ट्रीय बाजारात ‘स्पॉट गोल्ड’चा भाव प्रति औंस ४,१७५.०२ डॉलर्स इतका आहे.
जेपीमॉर्गनच्या मते, या वर्षी सोन्याच्या किमतीत वाढ होणार असली तरी ती मर्यादित असेल. यामागचं प्रमुख कारण म्हणजे प्रमुख क्षेत्रांकडून सोन्याची मागणी अपेक्षेइतकी जोरदार नसेल. तिसऱ्या तिमाहीत सोन्याचे भाव प्रति औंस ४,३०० डॉलर्स आणि चौथ्या तिमाहीत प्रति औंस ४,५०० डॉलर्सपर्यंत पोहोचू शकतात असा अंदाज वर्तवण्यात आला आहे.
देशांतील काही प्रमुख शहरांमधील सोन्याचे भाव
देशाची राजधानी दिल्लीत २४-कॅरेट सोन्याचा भाव प्रति १० ग्रॅम १,४६,८७० रुपये आहे. तर २२-कॅरेट सोन्याच्या १० ग्रॅमसाठी आज १,३४,६४० रुपये मोजावे लागतील. तर आर्थिक राजधानी मुंबई तसेच कोलकाता येथे २२-कॅरेट सोन्याचा भाव प्रति १० ग्रॅम १,३४,४९० रुपये असून २४-कॅरेट सोन्याचा भाव प्रति १० ग्रॅम १,४६,७२० रुपये इतका आहे.
देशांतील प्रमुख शहरांपैकी चेन्नईत सोन्याचा भाव सर्वाधित आहे. तिथे २४-कॅरेट सोन्याचा भाव प्रति १० ग्रॅम १,४९,४५० रुपये इतका आहे. तर २२-कॅरेट सोन्यासाठी तिथे १,३४,५४० रुपये इतका दरा मोजावा लागतो. पुणे आणि बंगळुरूचेही दर समोर आले आहेत. या दोन्ही शहरांमध्ये २४-कॅरेटचं १० ग्रॅम सोनं हे १,४६,७२० रुपयांना आणि २२-कॅरेट १० ग्रॅम सोनं हे १,३४,४९० रुपयांना मिळत आहे.
चांदीची किंमत
सोन्याप्रमाणेच आज चांदीच्या दराही घसरण झाल्याने ग्राहकांना दिलासा मिळाला आहे. ६ जुलैच्या सकाळी चांदीचा दर प्रति किलो २,४९,९०० रुपये इतका असल्याची माहिती समोर आली आहे. गेल्या आठवड्यात या दरात १०,००० रुपयांची वाढ झाली होती. आंतरराष्ट्रीय बाजारात ‘स्पॉट’ चांदीचा दर प्रति औंस ६२.४७ डॉलर्स इतका आहे. सोने आणि चांदीचे देशांतर्गत दर हे देशांतर्गत आणि जागतिक अशा दोन्ही घटकांमुळे प्रभावित होतात.
