२६ दिवसांचा पायी प्रवास अन् विठूची आस; जळगावच्या श्रीराम मंदिरातून मुक्ताई पालखीचे पंढरीकडे प्रस्थान | महाराष्ट्र बातम्या

जळगावच्या या मानाच्या पालखीला दीड शतकाहून अधिक काळाचा गौरवशाली इतिहास आहे. आज मंदिरातून पालखी बाहेर पडताच अवघा परिसर भक्तीच्या रंगात न्हाऊन निघाला. डोक्यावर तुळशीवृंदावन घेतलेल्या माऊली आणि हातात भगव्या पताका घेतलेले वारकरी वारीमध्ये मोठ्या संख्येने सहभागी झाले आहेत. हा पालखी सोहळा पुढील २६ दिवसांचा पायी प्रवास करत, ऊन-पावसाची पर्वा न करता, विठ्ठल नामाच्या ऊर्जेवर पंढरपुरात पोहोचणार आहे.

पालखी प्रस्थानाच्या वेळी ढोल-ताशांचा गजर, हरिनामाचा गजर आणि वारकऱ्यांचे रिंगण पाहून उपस्थित जळगावकरांचे डोळे भक्तीभावाने पाणावले होते. “१५४ वर्षे ही परंपरा अखंड सुरू आहे आणि दरवर्षी मुक्ताईंच्या पालखीला निरोप देताना जळगावकर भावूक होतात,” अशी भावना स्थानिक ज्येष्ठ नागरिकांनी व्यक्त केली.