FIFA World Cup 2026 स्पर्धेच्या बाद फेरीत जर्मनी, 432 मिनिटात 9 गोल मारणारा खेळाडूची चर्चाImage Credit source: GETTY IMAGES
Germany vs Ivory Coast: टोरंटो स्टेडियममध्ये जर्मनी आणि आयवरी कोस्ट हे संघ आमनेसामने आले होते. या सामन्यात जर्मनीने आयवरी कोस्टला 2-1 ने मात दिली. फिफा वर्ल्डकप 2026 स्पर्धेतील ई गटात दोन्ही संघांचा हा दुसरा सामना होता. या सामन्यात जर्मनीने आयवरी कोस्टला लोळवलं आणि राउंड ऑफ 32 म्हणजेच बाद फेरीत एन्ट्री मारली आहे. जर्मनी आधी यजमान अमेरिका आणि मेक्सिकोने बाद फेरीत स्थान पक्कं केलं आहे. जर्मनी फिफा वर्ल्डकप 2018 आणि 2022 मध्ये बाद फेरीपूर्वीच अपयशी ठरला होता. मात्र यावेळी जर्मनी चांगली कामगिरी केली आणि बाद फेरीत स्थान पक्कं केलं.
जर्मनीला पुढच्या फेरीचं तिकीट कसं काय?
फिफा वर्ल्डकप 2026 स्पर्धेत जर्मनीने पहिल्या सामन्यात कुरासाओला 7-1 पराभूत केलं होतं. तसेच खात्यात 3 गुण पडले होते. तसेच गोल डिफरन्सही अधिक होता. त्यानंतर आयवरी कोस्टला 2-1 ने मात दिली. त्यामुळे 6 गुण पदारात पडले. दुसरीकडे जर्मनीच्या विजयानंतर या गटातील इक्वाडोर आणि कुरासाओ यांच्यात लढत झाली. पण हा सामना 0-0 ने ड्र झाला. या ड्रॉमुळे इक्वाडोरचे 2 सामने खेळून फक्त 2 गुण झाले. तर आयव्हरी कोस्टचे 3 गुण झाले आहेत. आयव्हरी कोस्टला पुढच्या फेरीचं तिकीट मिळण्याची सर्वाधिक संधी आहे. शेवटचा साना कुरासाओविरुद्ध आहे. हा सामना जिंकल्यास 6 गुण होतील. इतकंच काय ड्रॉ झाला तर 4 गुण होतील. त्यामुळे थेट किंवा सर्वोत्तम तिसरा संघ म्हऊन संधी मिळू शकते.
डेनिज उनडव जर्मनीचा हुकूमाचा एक्का
जर्मनीला बाद फेरीचं तिकीट मिळवून देण्यात एका खेळाडूचं योगदान महत्त्वाचं आहे. हा खेळाडू दुसरा तिसरा कोणी नसून डेनिज उनडव आहे. हा खेळाडू स्टार्टिग इलेव्हनचा भागही नाही. पण जेव्हा मैदानात उतरतो तेव्हा प्रतिस्पर्धी संघाच्या नाकी नऊ आणतो. त्याने आंतरराष्ट्रीय सामन्यात जर्मनीसाटी आतापर्यंत 11 सामन्यात 432 मिनिटात 9 गोल मारले आहेत. त्याचा हा विक्रम भले 11 सामन्यात झाला असेल. पण त्याने मैदानावर 5 सामन्यांपेक्षा कमी अवधी घालवला आहे. आयव्हरी कोस्ट सामन्यातही असंच घडलं. आयव्हरी कोस्टने 30 व्या मिनिटाला गोल मारला. त्यामुळे जर्मनी 1-0 ने अडचणीत होता. पण डेनिज उनडव मैदानात उतरला आणि चित्र पालटलं.
या सामन्यातील 60 व्या मिनिटाला डेनिज उनडवने एन्ट्री मारली आणि 65व्या मिनिटाला पिहला गोल मारत सामना बरोबरीत आणला. त्यानंतर 90 मिनिटानंतर एक्स्ट्रा टाइममध्ये त्याने दुसरा गोल मारला आणि संघाला विजयाच्या वेशीवर आणून सोडलं. या दोन गोलमुळे जर्मनीची पुढच्या फेरीची वाट मोकळी झाली. त्याला या कामगिरीसाठी सामनावीराच्या पुरस्काराने गौरविण्यात आलं.
