‘…नाहीतर आयुष्यभर रडावं लागेल’, ‘रामायण’च्या ‘लक्ष्मण’ने शेअर केला जळजळीत VIDEO, नव्या पालकांचे टोचले कान | ताज्या मनोरंजन बातम्या

पालक आणि मुलांना थेट इशारा देताना सुनील पुढे म्हणाले, “अभ्यासाकडे ओझं म्हणून पाहणं बंद करा. जर मुलांनी आपल्या आयुष्यातील सुरुवातीची १५ ते १८ वर्षे मनापासून अभ्यास केला आणि कठोर परिश्रम घेतले, तर ते पुढचं संपूर्ण आयुष्य राजासारखं सुखात घालवू शकतात. पण, जर आता अभ्यासाच्या वयात फक्त मौजमजा केली, तर मात्र पुढचं अख्खं आयुष्य रडण्यात घालवावं लागेल, हे नक्की!” इतकंच नाही, तर यावेळी त्यांनी पालकांना कानमंत्र दिला की, मुलांना मारून-झोडपून किंवा दडपण आणून शिकवण्यापेक्षा खेळता खेळता कसं शिकवता येईल, याकडे लक्ष द्या.

सुट्ट्यांमध्ये परदेशी ट्रिप्सपेक्षा गावातील मातीला द्या प्राधान्य

काही आठवड्यांपूर्वी शेअर केलेल्या अशाच एका व्हिडिओमध्ये सुनील लहरींनी पालकांना एक घरचा आहेर दिला होता. ते म्हणाले होते की, “आजकाल उन्हाळ्याच्या सुट्ट्या लागल्या की पालक मुलांना घेऊन थेट परदेशात किंवा मोठ्या मॉलमध्ये फिरायला जातात. यामुळे मुलं आपल्या संस्कृतीपासून आणि मातीपासून दूर जात आहेत. पालकांनी मुलांना गावाकडे नेलं पाहिजे; आपण जे अन्न रोज ताटात खातो, ते शेतात कसं पिकतं, हे त्यांना दाखवणं खूप गरजेचं आहे.”