Sagar Karande: मालिका आणि सिनेमांऐवजी मराठी नाटक (Marathi Play) याचा चाहतावर्ग खूप मोठा आहे. आजही प्रेक्षक आवर्जून ठराविक नाटकासाठी गर्दी करतात. आपले आवडते कलाकार आपल्या समोर नाटक सादर करतात. कलाकारांचा प्रत्यक्ष अभिनय आपल्याला नाटकातून अनुभवायला (Entertainment) मिळतो. सिनेमातील सीन्स शूट केले जातात, त्यात रिटेक असतो. पण नाटकात रिटेक नसतो. सिनेमा किंवा मालिका शूट करताना कलाकाराकडून काही चुका झाल्या, किंवा इतर आवाजामुळे सीन बिघडला तर पुन्हा सीन शूट होऊ शकतो. पण नाटकात हे शक्य नाही. नाटकात रिटेक होऊ शकत नाही. नाट्यगृहात गोंधळ जरी झाला, कलाकाराला याचा त्रास जरी झाला तरी, ते नाटक न थांबता सुरू ठेवावे लागते.
नाट्यगृहात प्रेक्षकांकडून आवाज किंवा गोंधळ झाला तर, काही कलाकार नाटक थांबवून रागावतात, संताप व्यक्त करतात. तर, काही कलाकार शांत राहतात. काही कलाकार या गोंधळामुळे डिस्टर्ब होतात. अभिनेता सागर कारंडेच्या नाटकात असाच काहीसा प्रकार घडला. दरम्यान, सागर कारंडेने संताप व्यक्त केला नसून, विनोदी शैलीत प्रेक्षकांसमोर टोमणा मारला. सागर कारंडेसोबत नाट्यगृहात नेमकं काय घडलं? सागर कारंडेनं कुणाला टोमणा मारला? जाणून घेऊयात.
सागर कारंडेचा उशिरा येणाऱ्या कलाकारांना टोमणा (Sagar karande in Marathi Play Shikkamortab)
अभिनेता सागर कारंडेचा ‘शिक्कामोर्तब’ हे नाटक सध्या प्रचंड चर्चेत आहे. या नाटकाच्या सादरीकरण दरम्यान, एक गोष्ट घडली आणि सागर कारंडेच्या टोमण्यावर प्रेक्षकवर्गामध्ये एकच हशा पिकला. याचा व्हिडीओ सध्या सोशल मीडियात व्हायरल होत आहे. सागर कारंडेचं ‘शिक्कमोर्तब’ या नाटकात सादरीकरण सुरू होते. यावेळी काही प्रेक्षक नाट्यगृहात उशिरा येतात. यावेळी त्यानं आपल्या विनोदीशैलीने प्रेक्षकांचं स्वागत केलं.
रंगमंचावर सागर कारंडेचं सादरीकरण सुरू असते. दरम्यान, चालू नाटकाच्या दरम्यान काही प्रेक्षक उशिरा येतात. त्यावेळी सागर कारंडे त्याचं टोमणा मारुन स्वागत करत, ‘मी थांबणार सगळ्यांसाठी या..आलात.. या बसा, हा काका या, काकींना घेऊन आलात वाह, छान..’, असं सागर कारंडे नाटकामध्ये म्हणताना दिसत आहे. टोमणा मारुन स्वागत केल्यामुळे सर्व प्रेक्षक जोरजोरात हसू लागतात. तर, उशिरा आलेले प्रेक्षक लाजले.
महत्त्वाच्या इतर बातम्या:
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
