पत्नीच्या फोटोला हार पाहिला, 93 वर्षांच्या गुरुजींनी देह ठेवला, बीडची हृदयस्पर्शी घटना | बीड बातम्या (Beed News)

लक्ष्मीकांत मोताळे गुरुजी आणि त्यांच्या पत्नी मालतीबाई मोताळे हे दोघेही धार्मिक स्वभावाचे होते. वृद्धापकाळामुळे दोघांचीही प्रकृती काही दिवसांपासून खालावलेली होती. 11 जून रोजी मालतीबाई यांचे निधन झाले. त्यावेळी गुरुजींची प्रकृती अत्यंत नाजूक असल्याने त्यांना घरातील स्वतंत्र खोलीत विश्रांतीसाठी ठेवण्यात आले होते.

पत्नीच्या निधनाची बातमी ऐकून त्यांना मानसिक धक्का बसू नये, यासाठी कुटुंबीयांनी ही माहिती त्यांच्यापासून लपवून ठेवली होती. मालतीबाई यांच्या अंत्यसंस्कारानंतर दुसऱ्या दिवशी गुरुजी काहीसे सावरल्यासारखे वाटत होते. त्यांनी उठून बसत जेवणाचीही विचारणा केली होती. त्यामुळे त्यांच्या प्रकृतीत सुधारणा होत असल्याची आशा कुटुंबीयांना वाटू लागली होती.

मालतीबाई यांच्यावर गुरुवारी अंत्यसंस्कार करण्यात आले होते, तर लक्ष्मीकांत मोताळे गुरुजी यांच्यावर रविवारी सायंकाळी मंगळनाथ स्मशानभूमीत अंत्यसंस्कार करण्यात आले. त्यांच्या पश्चात तीन मुले, एक विवाहित मुलगी, सुना, नातवंडे आणि विस्तारित कुटुंब असा मोठा परिवार आहे. आयुष्यभर एकमेकांच्या सुख-दुःखात सहभागी राहिलेल्या या दांपत्याची अखेरची कहाणी अनेकांच्या डोळ्यांत पाणी आणणारी ठरली आहे.