देशाच्या सर्वात मोठी बँक HDFC Bank ने तिच्या ग्राहकांना मोठा झटका दिला आहे. एचडीएफसी बँकेने कर्ज महाग करण्याचा निर्णय घेतला आहे. एचडीएफसी बँकेने तिच्या मार्जिनल कॉस्ट लेंडिंग रेट म्हणजे MCLR मध्ये वाढ केली आहे. बँकेच्या वेबसाईटच्या मते नवीन दर सोमवार ८ जून पासून लागू करण्यात आले आहेत. म्हणजे एमसीएलआरशी संबंधित सर्व कर्जे महाग होऊ शकतात आणि ईएमआयचे बोझे वाढण्याची शक्यता आहे.
५-१० बेसिस पॉईंटची वाढ
एचडीएफसी बँकेने तिच्या एमसीएलआर रेट्समध्ये ५ ते १० बेसिस पॉईंटची वाढ केली आहे. नव्या दरांना पाहीले तर ओव्हरनाईट लोनवर एमसीएलआर ८.०५ टक्क्यांना वाढून आता ८.१० टक्के केला आहे. याशिवाय तीन महिन्यांचा लोनसाठी हे वाढून ८.२० टक्के, सहा महिन्यांसाठी ८.३५ टक्के झाले आहे. १ वर्षांच्या कालावधीसाठी MCLR ला वाढवून ८.४० टक्के केले आहे. तसेच दोन वर्षांसाठी ८.५५ टक्के आणि वर्षभरासाठी आता ८.६५ टक्के झाला आहे.
बहुतांशी गृहकर्जे ही एक वर्षाच्या एमसीएलआर जोडलेली असतात. त्यामुळे त्यांच्यासाठी ५ बेसिस पॉईंटची वाढ झाली आहे. खास बाब म्हणजे भारतीय रिझर्व्ह बँकेने गेल्या शुक्रवारी एमपीसी बैठकीचे निर्णय जाहीर केले होते आणि रेपोरेटला ५.२५ टक्के कायम ठेवले होते. यानंतर एचडीएफसी बँकेने हा निर्णय घेत नव्या ग्राहकांसाठी कर्ज घेणे महाग केले आहे. तर कर्ज घेतलेल्या ग्राहकांवरही इएमआयचे ओझे वाढवण्याचे काम केले आहे.
कोणत्या ग्राहकांवर ओझे वाढणार ?
MCLR संदर्भात केलेला हा बदल त्या ग्राहकांवर परिणाम करणार आहे ज्यांचे लोन फ्लोटिंग रेटवर अवलंबून आहे आणि त्यांनी एसीएलआर-लिंक्ड लोन घेतलेले आहे. बँकेचे एमसीएलआर तुमच्या ईएमआयवर थेट परिणाम टाकते. MCLR वाढल्यानंतर लोनच्या व्याजाचा दर वाढतो.ज्यामुळे तुमचा ईएमआय जास्त होणार आहे. तसेच यास घटवल्याने लोनचे व्याज दर कमी होतात, त्यामुळे EMI स्वस्त होते.
काय असते MCLR, कसे निश्चित होते ?
एमसीएलआर म्हणजे मार्जिनल कॉस्ट ऑफ फंड्स बेस्ड लेंडिंग रेट जो मिनिमम इंटरेस्ट रेट असतो. ज्याच्यावर बँक आपल्या ग्राहकांना कर्ज देते. यास निश्चित करण्यासाठी अनेक महत्वाच्या फॅक्टर्सवर फोकस केले जाते. यात बँकेच्या डिपॉझिट रेट, रेपोरेट, ऑपरेशनल कॉस्ट आणि कॅश रिझर्व्ह रेशो कायम ठेवण्याच्या खर्चाचा समावेश असतो. सर्वसाधारणपणे रेपो रेट आणि रिझर्व्ह रेपो रेटमध्ये बदल होताच एमसीएलआरवर देखील परिणाम होतो.
