Gurnoor Brar: पहिल्याच ओव्हरमधील पाचव्या बाॅलवर विकेट घेत गुरनूर ब्रारची टीम इंडियात धडाकेबाज एन्ट्री!

Gurnoor Brar: टीम इंडियात गुरनूर ब्रारचे आंतरराष्ट्रीय पदार्पण स्वप्नवत ठरले आहे. आपल्या पहिल्याच षटकात पाचव्या चेंडूवर त्याने इब्राहिम झद्रानच्या रूपाने अफगाणिस्तानला पहिला धक्का दिला. तो डावाच्या दुसऱ्या षटकात गोलंदाजीसाठी आला. त्याने पाचव्या चेंडूवर एक शॉर्ट बॉल टाकला, ज्यावर इब्राहिम झद्रानने मोठा फटका मारण्याचा प्रयत्न केला. मात्र, चेंडू मिड-ऑफला उभ्या असलेल्या शुभमन गिलच्या हातात विसावला आणि त्याने कोणतीही चूक न करता झेल घेतला. भारत आणि अफगाणिस्तान यांच्यातील तीन एकदिवसीय सामन्यांची मालिका सुरू झाली आहे. पहिला सामना आज, १३ जून रोजी धर्मशाला येथील हिमाचल प्रदेश क्रिकेट असोसिएशन स्टेडियमवर खेळला जात आहे. भारतीय कर्णधार शुभमन गिलने नाणेफेक जिंकून प्रथम गोलंदाजी करण्याचा निर्णय घेतला आहे.

गुरनूर ब्रार आणि हर्ष दुबे धर्मशालातून आंतरराष्ट्रीय क्रिकेटमध्ये पदार्पण केलं आहे. अफगाणिस्तानच्या भारत दौऱ्यादरम्यान दोघांचीही पहिल्यांदाच राष्ट्रीय संघात निवड झाली आणि त्यांनी आपल्या पहिल्याच सामन्यात अंतिम 11 खेळाडूंमध्ये स्थान मिळवले. गुरनूरने आपल्या पहिल्याच षटकात बळी घेत स्वप्नवत पदार्पण केले आणि भारतासाठी आंतरराष्ट्रीय क्रिकेट खेळणारा तिसरा सर्वात उंच गोलंदाज ठरला.

GURNOOR BRAR YOU BEAUTY 😍

– He gets the maiden International wicket in his first over.pic.twitter.com/aGn6f8giMr

— Johns. (@CricCrazyJohns) June 13, 2026

गुरनूर ब्रारची उंची 6 फूट 5 इंच 

गुरनूर ब्रारला कर्णधार शुभमन गिलने पदार्पणाची संधी दिली. 26 वर्षीय ब्रा र हा देखील पंजाबचाच आहे. त्याचा जन्म 25 मे 2000 रोजी मुक्तसर येथे झाला. तो वेगवान गोलंदाज आहे. 6 फूट 5 इंच उंची असलेला तो इशांत शर्मापेक्षा उंच आहे. गुरनूरने 2023 मध्ये आपला एकमेव आयपीएल सामना खेळला. त्या सामन्यात त्याने पंजाब किंग्ससाठी तीन षटके टाकली, मात्र त्याला एकही बळी घेता आला नाही. तथापि, त्याने आपल्या पहिल्याच षटकात इब्राहिम झद्रानला बाद करून दमदार आंतरराष्ट्रीय पदार्पण केले आहे.

हर्ष दुबे अष्टपैलू खेळाडू  

दरम्यान, हर्ष दुबेचा जन्म 23 जुलै 2002 रोजी पुणे येथे झाला. हा 23 वर्षीय गोलंदाजी अष्टपैलू खेळाडू देशांतर्गत स्तरावर विदर्भ संघाकडून खेळतो. तो डावखुरा फलंदाज असून डावखुरा गोलंदाजही आहे. हर्षने आयपीएल 2026 मध्ये सनरायझर्स हैदराबादकडून खेळताना 8 सामन्यांमध्ये 8 बळी घेतले. त्याने गेल्या वर्षी एसआरएचकडून खेळताना आयपीएलमध्ये पदार्पण केले आणि 3 सामन्यांमध्ये 5 बळी घेतले.

इतर महत्वाच्या बातम्या