अमेरिका आणि इराण यांच्यातील संघर्षाची, तणावाची स्थिती निवळेल या आशेमुळे शुक्रवारी आंतरराष्ट्रीय बाजारात दिलासादायक वातावरण दिसून आलं. याचा परिणाम कच्चा तेल्याच्या किंमतींवरही दिसून आला आणि कच्च्या तेलाच्या किमतीत मोठी घसरण झाली. जागतिक बाजारांवर त्याचा सकारात्मक परिणाम झाल्याचेही दिसून आले. जागतिक बाजारात कच्च्या तेलाच्या किमतीत जवळपास 4 टक्क्यांची घट होऊन ही किंमत प्रति बॅरल 90 डॉलर्सच्या आसपास स्थिरावली. पण यामुळे भारतात पेट्रोल आणि डिझेलच्या दरांमध्ये कोणताही बदल झाला नाही. आजा शनिवार, 13 जून रोजी भारतातील इंधनाचे दर जाणून घेऊया.
दिल्ली -मुंबईत पेट्रोलचे भाव
देशातील तेल कंपन्यांच्या ताज्या आकडेवारीनुसार, आज दिल्लीत पेट्रोलचा किरकोळ दर प्रति लिटर 102.12 रुपये आहे, तर डिझेलचा दर प्रति लिटर 95.20 रुपये आहे. मुंबईत पेट्रोलचा दर प्रति लिटर 111.21 रुपये आणि डिझेलचा दर प्रति लिटर 97.83 रुपये आहे. चेन्नईमध्ये एक लिटर पेट्रोलसाठी 107.77रुपये तर डिझेलसाठी 99.55 रुपये मोजावे लागत आहेत. तर कोलकातामध्ये पेट्रोलचा 113.51 रुपयांना आणि डिझेल 99.02 रुपयांना मिळतंय़.
मोठ्या शहरातील पेट्रोलचे दर
गेल्या महिन्यात 4 वेळा वाढले दर
अमेरिका आणि इराण यांच्यातील संघर्षामुळे संपूर्ण जग तेलाच्या संकटाचा सामना करत आहे. ‘स्ट्रेट ऑफ होर्मुझ’ (Hormuz Strait) बंद झाल्यामुळे जागतिक कच्च्या तेलाचा 20 टक्के पुरवठा विस्कळीत झाला. हा सागरी मार्ग जगासाठी तसेच भारतासाठीही अत्यंत महत्त्वाचा आहे, कारण भारताच्या तेल आयातीचा सर्वात मोठा हिस्सा याच मार्गाने येतो. मात्र सप्लाय चेन बंद झाल्यामुळे व्यत्ययामुळे भारतात पेट्रोल आणि डिझेलच्या दरात वाढ झाली. पेट्रोलियम कंपन्यांनी गेल्या महिन्यात चार वेळा दर वाढवले होते.
शहरांप्रमाणे CNG ची किंमत
अमेरिका-ईराण तणाव कमी
शुक्रवारी कच्च्या तेलाच्या किमतीत मोठी घसरण झाली. अमेरिका आणि इराणमधील तणाव निवळल्यामुळे आणि जागतिक तेल पुरवठा पूर्ववत होण्याची शक्यता निर्माण झाल्यामुळे तेलाचे भाव प्रति बॅरल 90 डॉलर्सच्या खाली आले. अमेरिका आणि इराण यांच्यात एका प्रस्तावित कराराचा मसुदा तयार करण्यात आला असून हा संघर्ष आता संपुष्टात येण्याच्या मार्गावर आहे, असं अमेरिकेचे राष्ट्राध्यक्ष डोनाल्ड ट्रम्प यांनी सांगितलं. आगामी काळात दोन्ही देशांदरम्यान करार होण्याची अपेक्षा आहे, असंही ट्रम्प यांनी नमूद केलं. त्यांनी पुढे असाही दावा केला की, एकदा का हा करार अंतिम झाला की ‘स्ट्रेट ऑफ होर्मुझ’ पुन्हा खुले केले जाईल, ज्यामुळे जागतिक तेल पुरवठ्याला दिलासा मिळेल. आता दोन्ही देशांमधील संघर्ष कधी थांबतो, तणाव कधी निवळतो याकडे सर्वांचं लक्ष लागलं आहे.
