थेट मुंबई पोलिसांची व्हॅन अडवणारी रिया अहीर आहे तरी कोण? पहिल्यांदाच आली समोर, नेमकं काय करते? | ताज्या मनोरंजन बातम्या

नेमकं काय घडलं शिवाजी पार्कवर?

बुधवारी दादर येथील आंदोलनात सहभागी झालेली रिया पोलिसांच्या व्हॅनसमोर उभी राहिली, ज्यामध्ये आंदोलक विद्यार्थ्यांना डांबण्यात आले होते. काहीही विचार न करता रियाने पोलिसांची व्हॅन रोखली आणि मुलांना सोडण्याची मागणी केली. तिने घेतलेल्या आक्रमक पवित्र्यामुळे आणि झालेल्या जोरदार वादविवादानंतर अखेर पोलिसांना नमते घ्यावे लागले आणि विद्यार्थ्यांना सोडावे लागले. या एका घटनेने रिया अहीर रातोरात स्टार बनली आहे.

कोण आहे ही बोल्ड अन् धाडसी रिया अहीर?

रियाचे पूर्ण नाव रिया यादव असून इन्स्टाग्रामवर ती ‘रिया इकोसिया’ म्हणूनही ओळखली जाते. २७ वर्षांची रिया ही एक यशस्वी मॉडेल, अभिनेत्री आणि उद्योजिका आहे. ‘रियासत’ नावाच्या स्वतःच्या क्लोदिंग ब्रँडअंतर्गत ती डिझायनर कपडे तयार करते. नुकतीच ती ‘दिलबरा’ या म्युझिक व्हिडिओमध्ये झळकली होती. इन्स्टाग्रामवर तिचे १ लाख १० हजारांहून अधिक फॉलोअर्स असून, बॉलिवूड दिग्दर्शक अनुराग कश्यप आणि अभिनेता अभिषेक बॅनर्जी यांसारखे दिग्गजही तिला फॉलो करतात.