स्वप्नील जोशीनं घेतली जगातील सर्वोत्तम कार! महागडी म्हणून नाही तर… सांगितलं वेगळंच कारण | ताज्या मनोरंजन बातम्या

स्वप्नीलनं त्याच्या पोस्टमध्ये लिहिलंय, “मी लहान असताना माझे बाबा सायकल चालवायचे. त्यांना पाहताना एक दिवस माझ्याकडेही जगातील सर्वोत्तम सायकल असावी, असं स्वप्न मी नेहमी पाहायचो. पण आयुष्याने काही वेगळ्याच योजना आखल्या होत्या आणि काळाच्या ओघात ते बालपणीचं स्वप्न कुठेतरी हरवून गेलं.”

“वर्षांनंतर लोक ज्या कारला जगातील सर्वोत्तम सॉफ्टवेअर-आधारित कार म्हणतात… आज ती कार माझ्या घरी आणण्याचं भाग्य मला लाभलं आहे. ती अमेरिकन कंपनीची आहे म्हणून नाही… ती महागडी आहे म्हणूनही नाही…तर ती भविष्याचं प्रतीक आहे म्हणून… आणि सर्वात महत्त्वाचं म्हणजे, ती मी अभिमानाने भारतातच खरेदी करू शकलो म्हणून.”

“पण या कारपेक्षाही मोठा आनंद दुसऱ्याच गोष्टीत आहे. माझ्या आई-वडिलांच्या डोळ्यांत दाटलेला आनंद पाहण्यात… जणू ते न बोलताच सांगत आहेत. आपला छोटा मुलगा खूप मोठा झाला. माझ्या मुलांच्या नजरेत आज त्यांचा बाबा थोडा अधिक ‘कूल’ झालेला पाहण्यात. आणि माझ्या पत्नीच्या चेहऱ्यावरचं ते समाधानाचं हसू पाहण्यात… कारण तिच्यासाठी ही फक्त एक कार नाही, तर एका नव्या प्रवासाची, नव्या युगाची सुरुवात आहे.”

स्वप्नीलनं पुढे लिहिलंय, “या सगळ्या भावनांमध्ये मला अजूनही तो लहान मुलगा दिसतो… जो कधीकाळी जगातील सर्वोत्तम सायकलचं स्वप्न पाहायचा. कदाचित त्याला त्याची स्वप्नातील सायकल कधीच मिळाली नाही. पण आयुष्याने त्याच्यासाठी त्याहूनही मोठं स्वप्न जपून ठेवलं होतं. स्वागत आहे, Tesla YL! कारण स्वप्नं नेहमी आपण जशी पाहतो तशीच पूर्ण होत नाहीत… कधी कधी ती आपल्या कल्पनेच्याही पलीकडे जाऊन पूर्ण होतात.”

स्वप्नील जोशीनं खरेदी केलेली Tesla YL ही कार इलेक्ट्रिक कार आहे. या कारची सध्याच्या बाजारातील किंमत ही जवळपास 65 लाख इतकी आहे.