खाली बसा, तुमचं वय झालंय… आदित्य ठाकरे भाजप आमदारावर संतापले, विधानसभेत जोरदार राडा | महाराष्ट्र बातम्या

मनसेत पक्षप्रवेश करण्यासाठी गेले होते, तुम्ही आम्हाला कसली निष्ठा शिकवताय? भास्कर जाधवांचा पलटवार

मूळ मुद्द्यावर बोलण्याऐवजी भातखळकर भास्कर जाधव यांना निष्ठा शिकवण्यासाठी गेले. त्यावर तुम्ही आम्हाला कसली निष्ठा शिकवताय? तुम्ही राज ठाकरे यांच्याकडे मनसेत प्रवेश करण्यासाठी गेला होतात. त्यांनी नितीन गडकरी यांना फोन केला, त्यामुळे तुमचा पक्षप्रवेश झाला नाही, तुम्ही कसली निष्ठा शिकवताय? तुम्ही अजिबात काही सांगू नका. राम मंदिरात चोऱ्या करणारे तुम्ही. तुमच्या मर्यादा लोकांना माहिती आहेत. तुमचं ज्ञान, तुमची कुवत, तुमची झेप लोकांना माहिती आहे. फक्त तुम्हाला कळतं आणि बाकीच्यांना काही कळत नाही अशी तुमची वागण्याची पद्धत आहे. तुमच्या बोलण्यात कायम मलाच जास्त कळते, असा आविर्भाव असतो. तुमच्या मते दुसऱ्याला काहीच कळत नाही. हे बरे नव्हे… असे भास्कर जाधव यांनी भातखळकरांना सुनावले.