भारतात जिओचे 51 कोटींपेक्षा जास्त ग्राहक आहेत, तुम्हीही जिओचे ग्राहक असाल तर तुमच्यासाठी आनंदाची बातमी आहे. तुम्ही जास्त व्हॅलिडिटी, दररोज डेटा, अनलिमिटेड कॉलिंग आणि अतिरिक्त AI फायदे असलेला प्रीपेड रिचार्ज प्लान शोधत असाल, तर 666 चा प्लॅन तुमच्यासाठी उत्तम पर्याय ठरू शकतो. या प्लॅनमध्ये कंपनी दररोज डेटा आणि अनलिमिटेड कॉलिंगसोबतच मर्यादित कालावधीसाठी गुगल जेमिनी प्रोचे चे 18 महिन्यांचे मोफत सबस्क्रिप्शन देखील देत आहे. याबाबत सविस्तर माहिती जाणून घेऊयात.
जिओचा 666 रुपयांचा प्लॅन
जिओच्या या प्लॅनची 70 दिवसांची व्हॅलिडिटी आहे. यामध्ये ग्राहकांना दररोज 1.5GB हाय-स्पीड डेटा मिळतो. म्हणजेच संपूर्ण प्लॅनमध्ये एकूण 105GB डेटा मिळतो. मात्र, दररोजचा डेटा संपल्यानंतर इंटरनेटचा वेग 64Kbps पर्यंत कमी होतो. या प्लॅनमध्ये सर्व नेटवर्कवर अनलिमिटेड व्हॉईस कॉलिंगची सुविधा मिळते. याशिवाय, दररोज 100 SMS पाठवण्याची सुविधाही दिली जाते. मनोरंजनासाठी JioTV चे ॲक्सेस मिळते, तर क्लाउड स्टोरेजसाठी JioAICloud चा लाभही या प्लॅनमध्ये समाविष्ट आहे.
गुगल जेमिनी प्रोचे मोफत सबस्क्रिप्शन
जिओच्या प्लॅनचे सर्वात मोठे आकर्षण म्हणजे गुगल जेमिनी प्रोचे 18 महिन्यांचे मोफत सबस्क्रिप्शन. कंपनीच्या म्हणण्यानुसार, या ऑफरची अंदाजे किंमत 35,100 रुपये इतकी आहे. या सबस्क्रिप्शनअंतर्गत ग्राहकांना 5TB (5000GB) क्लाउड स्टोरेज, गुगल जेमिनीचे प्रगत AI फीचर्स आणि इतर प्रीमियम सुविधा वापरण्याची संधी मिळते.
व्हॅल्यू फॉर मनी
तुम्ही नियमितपणे जास्त डेटा वापरत असाल आणि AI टूल्स तसेच क्लाउड स्टोरेजचाही लाभ घ्यायचा असेल, तर 666 रुपयांचा प्रीपेड प्लान तुमच्यासाठी ‘व्हॅल्यू फॉर मनी’ पर्याय ठरू शकतो. मात्र, रिचार्ज करण्यापूर्वी कंपनीच्या अटी व शर्ती नक्की तपासा, जेणेकरून ऑफरशी संबंधित सर्व माहिती तुम्हाला मिळून जाईल.
दरम्यान, कंपनीकडे दररोज 1.5 जीबी डेटासाठी 579 आणि 889 रुपयांचेही प्लॅन आहेत. 579 रुपांच्या प्लॅनमध्ये तुम्हाला 56 दिवसांची व्हॅलिडिटी मिळते, तर 889 रुपयांच्या प्लॅनमध्ये 84 दिवसांची व्हॅलिडिटी मिळते. याशिवाय 329 रुपयांचाही प्लॅन आहे, ज्यात तुम्हाला 28 दिवसांची व्हॅलिडिटी मिळते. त्यामुळे तुम्ही बजेटनुसार हे प्लॅनही निवडू शकता.
